Dada Kondke Death Anniversary : असं काय घडलं होतं की दादा कोंडकेंनी मध्यरात्री 'मातोश्री' गाठली?

जेव्हा अभिनेते दादा कोंडके यांच्याबद्दल बोललं जातं, लिहिलं जातं तेव्हा तेव्हा शिवसेना, बाळासाहेब ठाकरे यांचा उल्लेख केला जातो. दादा कोंडके आणि शिवसेनाप्रमुख बाळासाहेब ठाकरे यांच्या मैत्रीचे अनेक किस्से ऐकालायला मिळतात.  आज दादांचा स्मृतीदीन. त्याचनिमित्ताने त्यांच्या आणि बाळासाहेबांच्या मैत्रीचा एक किस्सा पाहुयात.

बाळासाहेब ठाकरे आणि दादा कोंडके यांच्‍यात एक नाते होते. बाळासाहेबांचे मराठी विषयीचे प्रेम आणि रसिकता यामुळे त्‍यांच्‍यात आणि दादांमध्‍ये विशेष जवळीक होती. त्याचमुळे कोणतेही तमा न बाळगता ते शिवसेनेचा प्रचार करायचे.

मराठी चित्रपटांना आजच्या हिंदी निर्मात्याच्या लॉबिंगपुढे जसे गप्प पडावे लागते तसेच पूर्वीच्या काळीही होत. किंबहूना आता पेक्षाही पूर्वी वाईट स्थिती होती. एकदा दादा कोंडकेंचा चित्रपट थिएटवरवाले लावत नव्हते. मग याची माहिती बाळासाहेबांना कळाली मग काय दादा कोंडकेंचा चित्रपट लावणार नसतील तर ‘मराठा मंदिर’ वर राडा करण्‍याचा आदेश शिवसैनिकांना सोडला होता.

त्या चित्रपटगृहाच्या बाहेर स्वत: बाळासाहेब ठाकरे गेले आणि त्यांनीच त्या मालकाला धारेवर धरलं. त्यानंतर बाळासाहेब कपूरला म्हणाले, "देखो कपूर, आज के बाद पिक्चर जितने चलेगी, आप थिएटर में नहीं आएंगे.

त्यानंतर 'कोहिनूर'मध्ये 'सोंगाड्या' तब्बल 37 आठवडे हाऊसफुल्ल चालला. बाळासाहेबांना कपूर इतका घाबरला होता की, दादा कोंडकेंनी अनिता पाध्ये यांना आठवणी सांगताना म्हटलं होतं की, नंतर कपूर नेहमी मला फोन करून विचारायचा, आपकी कोई फिल्म आने वाली है क्या?.

अनिता पाध्येंनी शब्दांकन केलेल्या 'एकटा जीव'मध्ये दादांनी सांगितलंय की, "बाळासाहेब कधी कुठल्यातरी कारणांवरून संतापलेले असले की, रात्री अकरा-साडेअकराला सुद्धा मीनाताई मला फोन करायच्या. साहेब चिडलेत, तुम्ही घरी या, असं त्या सांगायच्या.

मग दादा कोंडके बाळासाहेबांच्या खोलीत जाऊन इकडच्या-तिकडच्या गप्पा मारून बाळासाहेबांना बोलते करायचे. कधी एखादा अस्सल 'कोंडके स्टाईल' विनोद सांगायचे. मग दोघेही मध्यरात्र होईपर्यंत हसत बसायचे. दादांशी बोलल्यानं संतापलेले बाळासाहेब नॉर्मल व्हायचे.