मुंबई : दादरा-नगर हवेलीमध्ये डेलकर यांचा विजय झाला आहे. त्यानंतर शिवसेनेचा (Shivsena) पहिल्यांदाच राज्याबाहेर विजय मिळविला असं सांगत संजय राऊतांनी (Sanjay Raut) भाजपवर टीका केली होती. त्यावरूनच आता केंद्रीय मंत्री नारायण राणे (Narayan Rane) यांनी संजय राऊत आणि शिवसेनेवर जोरदार हल्लाबोल केला आहे.
''देशात विधानसभा आणि लोकसभा पोटनिवडणुका झाल्या. त्यापैकी दादरा नगर हवेली लोकसभा पोटनिवडणुकीमध्ये डेलकर नावाच्या उमेदवार निवडून आल्या. त्यानंतर मी त्यांची निशाणी मागवून घेतली. तर बॅट घेतलेला फलंदाज त्यांची निशाणी आहे. इकडे संजय राऊत आमचा उमेदवार निवडून आले असा डंका पिटतात. तुमची शिवसेना तरी दादरा नगर हवेलीमध्ये पोहोचली आहे का?'' असा सवाल नारायण राणेंनी उपस्थित केला.
''सामनाच्या अग्रलेखामधून म्हणतात, की आम्ही दिल्लीत धडक मारू. पण, दिल्लीत कशी धडक मारतात हे तरी तुम्हाला माहिती आहे का? दिल्लीत धडक मारायला गेले तर संजय राऊतांचं डोक ठिकाणावर राहणार नाही. डोक्याविना संजय राऊत दिसतील. संजय राऊत डेलकर तुमचा खासदार म्हणता तर टिकवून दाखवा नाहीतर काही दिवसांनी ते भाजपात यायचे'', असा इशारा देखील त्यांनी शिवसेनेला दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
