Abhijeet Bichukale On Dasara Melava Row : येत्या काळात मुंबईतील शिवाजी पार्कवर दसरा मेळावा पार पडणार आहे. मात्र, हा दसरा मेळावा नेमका मुख्यमंत्री एकनाथ शिंदे यांचा होणार की उद्धव ठाकरे यांचा याबाबत अद्यापपर्यंत कोणताही ठोस निर्णय झालेला नाही. त्यामुळे यावरील पेच कायम आहे. या सर्व वादात आता बिग बॉस फेस अभिजित बिचुकले यांनीदेखील उडी घेत शिवसेना आणि शिंदे गटावर निशाणा साधला आहे. तसेच जनतेने दसरा मेळाव्याच्या सभेला जाऊच नये, असा सल्लाही दिला आहे.
सध्या राज्यात सुरु असलेले राजकारण हे जनतेच्या हिताचे नाही तर कोण मोठा यावरुनच सुरू आहे, त्यामुळे जनतेचे दसरा मेळाव्याच्या सभेला जाऊच नये, असे मत अभिजित बिचुकले यांनी व्यक्त केले आहे. दसऱ्याचे कुणाला काही देणे-घेणे नसून, शिवसेना आणि शिंदे गटाला राजकीय स्वार्थ साधायचा असल्याचेही बिचुकलेंनी म्हटले आहे.
तर दुसरीकडे शिवसेनेचा दसरा मेळावा शिवाजी पार्कवर होऊ नये यासाठी शिंदे गट आणि भाजप प्रयत्नशील असल्याच्या चर्चा असून, दसरा मेळाव्यावरून शिवसेना पक्षप्रमुख उद्धव ठाकरे यांना कोंडीत पकडण्यासाठी रणनीति आखल्याचेही बोलले जात आहे.
अभिजित बिचुकले यांनी यापूर्वीदेखील राज्यातील राजकीय घडामोडींवर भाष्य करत असतात. त्याशिवाय त्यांच्या वेगळ्या वक्तव्यांमुळेदेखील ते नेहमी चर्चेत असतात. त्यात आता सध्या सुरू असलेल्या दसरा मेळाव्यावरील वादातही बिचुकले यांनी त्यांचे स्वतःचे रोखठोक मत व्यक्त केले असून, सध्या राज्यात कोण मोठा यावरून राजकारण सुरू आहे. हे राजकारण जनतेच्या हिताचे नाहीये. त्यामुळे नागरिकांनी येत्या काळात होणाऱ्या दसऱ्या मेळाव्याकडे पाठ फिरवावी असा सल्ला बिचुकले यांनी नागरिकांना दिला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
