मुंबईः राज्याचे उपमुख्यमंत्री अजित पवार हे काही वेळापूर्वी काका शरद पवार यांच्या निवासस्थानी 'सिल्व्हर ओक'वर दाखल झालेले आहेत. काकू प्रतिभा पवार यांच्या भेटीसाठी ते गेल्याचं सांगितलं जातंय.
राष्ट्रवादी काँग्रेसमध्ये फूट पडल्यानंतर अजित पवार पहिल्यांदाच सिल्व्हर ओक निवासस्थानी गेले आहे. आज प्रतिभा पवार यांना शस्त्रक्रियेसाठी मुंबईतल्या ब्रीच कँडी रुग्णालयात दाखल केलं होतं. त्यामुळेच अजित पवार काकूंच्या चौकशीसाठी सिल्व्हर ओक या निवासस्थानी दाखल झाले.
अजित पवार यांनी राष्ट्रवादी काँग्रेसमध्ये बंड केल्यानंतर त्यांच्यासोबत ३५ पेक्षा जास्त आमदार असल्याचं सांगितलं स्पष्ट होत आहे. ९ आमदारांनी २ जुलै रोजी शपथ घेतल्यानंतर आज त्या मंत्र्यांना खाते मिळाले. नेमकं आजच प्रतिभा पवार यांच्यावर उपचार झाले.
काकूंच्या भेटीसाठी अजित पवार त्यांच्या निवासस्थानी गेले. आतमध्ये शरद पवार उपस्थित असल्याचं सांगितलं जात असून काका-पुतण्यामध्ये चर्चा होण्याची शक्यता वर्तवण्यात येतेय. दरम्यान, प्रतिभा पवार यांच्या शस्त्रक्रियेदरम्यान शरद पवार रुग्णालयात उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
