कालच्या तुलनेत आज राज्यातील कोरोनाबाधितांच्या संख्येत काहीशी घट पहायला मिळाली आहे. त्याचबरोबर दिवसभरात 39,624 रुग्ण बरे झाल्याने त्यांना डिस्चार्ज देण्यात आला. राज्यात आजपर्यंत एकूण 29,05,721 कोरोनाबाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण 81.21 टक्के झालं आहे. राज्याच्या आरोग्य विभागानं ही माहिती दिली आहे.
राज्यात आज दिवसभरात 58,952 नवीन रुग्णांची नोंद झाली. त्यामुळे कोरोनाबाधित रुग्णांची एकूण संख्या 58,952 झाली आहे. पण राज्यात अद्याप मृत्यूचे थैमान सुरूच असून दिवसभरात 278 रुग्णांच्या मृत्यूची नोंद झाली आहे.
आज नोंद झालेल्या 278 मृत्यूंपैकी 170 मृत्यू हे मागील 48 तासातील तर 73 मृत्यू हे मागील आठवडयातील आहेत. उर्वरित 35 मृत्यू हे एक आठवडयापेक्षा अधिक कालावधीपूर्वीचे आहेत. सध्या राज्यातील मृत्यूदर 1.64 टक्के एवढा आहे. राज्यात सध्या एकूण 6,12,070 ॲक्टिव्ह रुग्ण आहेत.
आजपर्यंत तपासण्यात आलेल्या 2,28,02,200 प्रयोगशाळा नमुन्यांपैकी 35,78,160 (15.86 टक्के) नमुने पॉझिटिव्ह आले आहेत. सध्या राज्यात 34,55,206 व्यक्ती होमक्वारंटाईनमध्ये आहेत, तर 28,494 व्यक्ती संस्थात्मक क्वारंटाईनमध्ये आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
