Devendra Fadnavis: फडणवीस अन् मी एकत्र येण्याचं काही महत्व नाही, पंकजा मुंडे असं का म्हणाल्या?

Devendra Fadnavis: आज बीडमध्ये पंकजा मुंडे आणि उपमुख्यंत्री एकाच व्यासपीठावर दिसतील. शिवसंग्रामचे दिवंगत नेते विनायक मेट यांचा आज जन्मदिन आहे. या निमित्ताने होणाऱ्या कार्यक्रमात पंकजा मुंडे आणि फडणवीस एकत्र येणार आहेत.

सहा महिन्यात देवेंद्र फडणवीस तीन वेळा बीड जिल्ह्यात आले होते. तीनही वेळा पंकजा मुंडे कार्यक्रमांना उपस्थित नव्हत्या. त्यामुळे आज दोन्ही नेते एका कार्यक्रमात येणार का? असा प्रश्न राजकीय वर्तुळात चर्चा रंगली आहे.

पंकजा मुंडे म्हणाल्या, सर्व पक्ष माझ्याविषयी सकारात्मक बोलत आहेत. माझ्याविषयी कोणी सकारात्मक बोलत असेल तर कोणाविषयी मी नाकारात्मक बोलण्याचा प्रश्न येत नाही. मला आलेल्या ऑफरवर मी सध्या सिरीयसली बघितले नाही मात्र मी बघणार नाही असे नाही. कारण कोणत्याही व्यक्तीला सिरीयसली न घेणं हा त्यांचा अपमान असतो.

बीडमधील कार्यक्रमावर पंकजा मुंडे म्हणाल्या, फडणवीस आणि मी एकत्र येण्याचं काही महत्व नाही. आधीच्या कार्यक्रमात मी अपेक्षीत नव्हते.  हा काही योग नाही. विनायक मेटे यांच्या पत्नी यांनी मला स्वत: बोलावले आहे.