"छोटं का होईना, भाषण ऐकायला मिळालं"; फडणवीसांची मुख्यमंत्र्यांवर टीका

मुंबई : राज्याचे विरोधीपक्ष नेते देवेंद्र फडणवीस (Devendra Fadnavis) यांनी राज्यातील महाविकास आघाडी सरकावर (MVA) टीका केली आहे. ते म्हणाले, आज छोटं का होईना पण मुख्यमंत्र्यांचं भाषण आम्हाला ऐकायला मिळालं. महाविकास आघाडी सरकारबद्दल बोलताना ते म्हणाले की, ते विसरले असतील की ५० हजार रुपये हेक्टरी शेतकऱ्यांना द्यायचे होते, मात्र तरीही आम्हाला मुख्यमंत्र्यांचं भाषण ऐकायला मिळालं याचा आनंद आहे.

पुढे बोलताना देवेंद्र फडणवीस यांनी विंदा करंदीकरांची एक कविता देखील ऐकवली. तेच ते अन् तेच ते

"माकडछाप दंतमंजन,

तोच चहा तेच रंजन

तीच गाणी तेच तराणे,

तेच मूर्ख तेच शहाणे

सकाळपासून रात्रीपर्यंत

तेच ते अन् तेच ते

खानावळीही बदलून पाहिल्या

कारण जीभ बदलणं शक्य नव्हतं.

काकू पासून ताजमहाल,

सगळीकडे सारखेच हाल

नरम मसाला, गरम मसाला,

तोच तो भाजीपाला

तीच ती खवट चटणी,

तेच ते आंबट सार

सुख थोडे दु:ख फार" ही कविता ऐकवत

सरकार नावाची यंत्रणा उदास झाली आहे असं देवेंद्र फडणवीस म्हणाले.