Maharashtra Politics : देवेंद्र फडणीस तातडीने दिल्लीला रवाना! मंत्रिमंडळ विस्ताराच्या हालचालींना वेग?

राज्यात मागील काही दिवसांपासून मंत्रिमंडळ विस्ताराच्या चर्चा सुरू आहेत. यादरम्यान शिंदे गटातील चार ते पाच मंत्र्यांना डच्चू देण्यासाठी भाजपकडून दबाव असल्याचे देकील विरोधकांकडून बोलले जात आहे. यादरम्यान राज्याचे उपमुख्यमंत्री देवेंद्र फडणवीस हे दिल्लीला रवाना झाले आहेत. मिळालेल्या माहितीनुसार फडणवीस दिल्लीत केंद्रीय गृहमंत्री अमित शाह यांची भेट घेणार आहेत.

शिवसेना आणि भाजप यांच्यात लोकसभेचं जागा वाटप कसं होणार याकडे सर्वांचे लक्ष लागले आहे त्यावर या भेटीत चर्चा केली जाऊ शकते. तसेच यादरम्यान देवेंद्र फडणवीस यांच्या अमित शाहांसोबतच्या बैठकीत राज्य मंत्रिमंडळाच्या रखडलेल्या विस्ताराबद्दल चर्चा होऊ शकते. मात्र याबद्दल अद्याप कुठलीही अधिकृत घोषणा करण्यात आलेली नाहीये. साम टिव्हीने याबद्दलचे वृत्त दिले आहे.

सूत्रांनी दिलेल्या माहितीनुसार, मंत्रिमंडळ विस्ताराच्या हालचालीला आता वेग आला असून याच पार्श्वभूमीवर फडणवीस हे दिला रवाना झाला आहेत. फडणवीस हे नागपूरला जाणार होते, अशी चर्चा होती. मात्र ते ऐनवेळी दिल्लीला रवाना झाले आहेत. तसेच फडणवीसांपाठोपाठ मुख्यमंत्री एकनाथ शिंदे हे देखील दिल्लीला जाणार असल्याचं बोललं जात आहे. त्यामुळे दिल्लीत महाराष्ट्राच्या मंत्रिमंडळ विस्ताराबाबत होईल असे बोलले जात आहे.

दरम्यान शिंदे फडणवीस सरकारच्या मंत्रिमंडळ विस्तारात कोणत्या आमदारांना संधी मिळणार याचा निर्णय घेण्यात येईल. मात्र आमदार जास्त असल्याने भाजपला जास्त मंत्रीपदे मिळण्याची शक्यता आहे. शिंदेंच्या शिवसेनेतील किती आमदारांना मंत्रिमंडळात संधी मिळेल याकडे सर्वांचे लक्ष लागले आहे.