शेतकऱ्यांना कर्ज देण्यास टाळाटाळ करणाऱ्या बँकांविरोधात उपमुख्यमंत्री देवेंद्र फडणवीस यांनी आक्रमक भूमिका घेतली आहे. अशा बँकावर एफआयआर दाखल करा अशा आशयाचं विधान देखील त्यांनी केलं. आज, २४ मे रोजी करण्यात आलेल्या खरीप हंगाम आढावा बैठकीत फडणवीस संतापल्याचे पाहायला मिळाले.
खरीप हंगाम आढावा बैठकीत राज्याचे मुख्यमंत्री एकनाथ शिंदे, मंत्री आणि सर्व जिल्ह्याधिकारी तसेच कृषी विभागाचे आधिकारी सहभागी झाले. या बैठकीत उपमुख्यमंत्री देवेंद्र फडणवीस यांनी संताप व्यक्त केला. बँका पीक कर्ज नाकारत असल्याने आधिकाऱ्यांना थेट कारवाईच्या सूचना केल्या आहेत. जर बँका राज्य सरकारची धोरणं ऐकत नसतील तर त्यांना फटका दिल्याशिवाय जमणार नाही. एकतरी एफआयआर दाखल करावा जेणेकरून बँकाना समज मिळेल असेही फडणवीस यांनी सुनावलं. एबीपी माझाने याबद्दलचं वृत्त दिलं आहे.
मागील अनेक दिवसांपासून अनेक शेतकऱ्यांना बँकांनी कर्ज नाकारल्याचे प्रकार समोर आला होता. या तक्रारीनंतर उपमुख्यमंत्र्यांनी बँकांवर कारवाई करावी असे आदेश संबंधीत आधिकाऱ्यांना देवेंद्र फडणवीस यांनी देले आहेत.
मुंबईत मुख्यमंत्री एकनाथ शिंदे यांच्या अध्यक्षतेखाली सुरू झालेल्या या चालू वर्षीच्या राज्यस्तरीय खरीप हंगामपूर्व आढावा बैठकीस उपमुख्यमंत्री देवेंद्र फडणवीस, मंत्री अब्दुल सत्तार, संदीपान भुमरे, गुलाबराव पाटील, दादाजी भुसे, सुरेश खाडे, अतुल सावे, दीपक केसरकर आदी उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
