‘सबका साथ सबका विकास हेच वारकरी संप्रदायाने इतके वर्ष सांगितलं’

पुणे : संत तुकाराम महाराज यांनी दाखवलेल्या मार्गाने चालण्याचे काम पंतप्रधान नरेंद्र मोदी (Narendra Modi) करीत आहे. ‘सबका साथ, सबका विकास’ हेच वारकरी संप्रदायाने इतक्या वर्ष सांगितले आहे. हेच आता जनतेला सांगण्याचे काम नरेंद्र मोदी करीत आहे, असे विरोधी पक्षनेते देवेंद्र फडणवीस (Devendra Fadnavis) म्हणाले.

पुण्याजवळील (Pune) देहू येथील कोळी मंदिराचे उद्घाटन पंतप्रधान नरेंद्र मोदी यांच्या हस्ते झाले. यावेळी आयोजित सभेला संबोधित करताना विरोधी पक्षनेते देवेंद्र फडणवीस बोलत होते. यादव साम्राज्य संपल्यानंतर समाज छिन्नविच्छिन्न झाला होता. समाज व्यसनाच्या आहारी गेला होता. पाप वाढले होते. यावेळी संतांनी भागवत धर्माला जागृत केले. महाराष्ट्राला जागृत केले, असेही देवेंद्र फडणवीस (Devendra Fadnavis) म्हणाले.

ज्ञानेश्वर माऊलींनी पाया रजला. याला समोर नेण्याचे काम संत तुकाराम महाराजांनी केले. समाजाला अंधश्रद्धेपासून दूर नेण्याचे काम तुकाराम महाराजांनी केले. त्यांच्याच पावलावर पाऊल ठेवून पंतप्रधान मोदीची (Narendra Modi) काम करीत आहे. रंजल्या-गंजल्यांसाठी काम करीत आहे. गरिबांसाठी काम करीत आहे, असेही देवेंद्र फडणवीस म्हणाले. कोरोना काळात समाजाला व्हॅक्सीन देण्याचे काम पंतप्रधान नरेंद्र मोदी यांनी केले, असेही देवेंद्र फडणवीस म्हणाले.