Devendra Fadnavis: उपमुख्यमंत्री देवेंद्र फडणवीस यांनी 'मी पुन्हा येणार', या व्हिडिओवर प्रतिक्रिया दिली आहे. यावेळी त्यांनी ज्याला पुन्हा यायचं आहे, तो व्हिडीओ टाकून येणार का?, असा प्रश्न उपस्थित केला. एकनाथ शिंदे त्यांचा कार्यकाळ पूर्ण करणार. यणाऱ्या निवडणुकीत एकनाथ शिंदे यांच्या नेतृत्वाखाली आम्ही निवडणूक लढवणार आहोत, असे फडणवीसांनी स्पष्ट केले.
देवेंद्र फडणवीस यांनी शरद पवार यांना देखील टोला लगावला आहे. शरद पवार म्हणाले होते, "मी त्या व्हिडिओला गांभीर्याने घेत नाही. फडणवीस यांच्याकडे ११० आमदार आहेत. त्यांना नजरअंदाज करता येणार नाही. माझ्याकडे ११० आमदार असते तर मी सरकार बनविले असते."
यावर फडणवीस म्हणाले, "हाच फरक शरद पवार आणि देवेंद्र फडणवीस यांच्यात आहे. मी एकनाथ शिंदे यांच्या पाठीशी राहणार आहे. एकनाथ शिंदे आमचे मुख्यमंत्री आहेत. तसेच त्यांच्याच नेतृत्वात महाराष्ट्रात निवडणुका होतील."
पंतप्रधान नरेंद्र मोदी यांनी धसका घेतला त्यामुळे माझ्यावर आरोप केले. असे शरद पवार म्हणाले होते. यावर देखील फडणवीसांनी टोला लगावला.
फडणवीस म्हणाले, "ज्यांच्या नेतृत्वाखाली 305 खासदार निवडून येतात. त्यांनी ज्यांच्या नेतृत्वाखाली चार खासदार निवडून येतात त्यांचा कसा धसका घेतला, असे म्हणणे म्हणजे हास्यास्पद ठरेल. पवार काय बोलले हे मी ऐकलं नाही त्यांच्यामुळे मी काही बोलणार नाही."
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
