मुंबई : खासदार नवनीत राणा आणि आमदार रवी राणा या दाम्पत्याला खार पोलिसांनी अटक केली आहे. या अटकेनंतर विरोधीपक्ष नेते देवेंद्र फडणवीस यांनी ट्विट केलं असून लोकशाहीचं गाऱ्हाणं गाणारे आज सोयीस्कर गप्प का? असा सवाल केला आहे. (Devendra Fadnavis tweet on Rana couple arrest)
फडणवीस ट्विटमध्ये म्हणतात, महाराष्ट्रातील घटना व्यथीत करणार्‍या आहेत. भाजपाच्या पोलखोल रथावर हल्ले झाले तरी यातील आरोपींना अटक नाही. मोहित कंबोज यांच्यावर हल्ला झाला तरी याप्रकरणी साधा गुन्हा दाखल नाही. महिला लोकप्रतिनिधीला 20 फूट गाडण्याची भाषा केली गेली याची साधी दखल सुद्धा घेतली नाही. हनुमान चालिसा पठणाला राणा दाम्पत्य आले तर त्यांना थेट अटक करण्यात आली.
इतकी दंडुकेशाही? इतका अहंकार? इतका द्वेष? सत्तेचा इतका माज? सरकारचं करणार हिंसाचार एवढीच तुमची मदुर्मकी? सत्तेच्या मस्तीत कसेही वागून घ्या. पण, जनता सारं काही पाहतं आहे. निव्वळ लज्जास्पद. लोकशाहीत मत मांडण्याचा अधिकार संपला का? लोकशाहीचं गार्‍हाणं गाणारे आज सोयीस्कर गप्प का आहेत? असे अनेक सवालही फडणवीस यांनी महाविकास आघाडी सरकारवर टीका करताना उपस्थित केले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
