धनगर समाजाला अनुसूचित जमाती प्रवर्गा बरोबरच नोकरी आणि शिक्षणात आरक्षण देण्यात यावे अशी मागणी करत हायकोर्टात विविध याचिका दाखल करण्यात आल्या आहेत. या याचिकांवरील सुनावणी अंतिम टप्प्यात आली असून न्यायमूर्ती गौतम पटेल यांच्या खंडपीठाने या प्रकरणावरील सुनावणी १२ फेब्रुवारी रोजी ठेवली आहे.
धनगड म्हणजेच धनगर असून धनगर समाजाला अनुसूचित जमाती प्रवर्गा बरोबरच नोकरी आणि शिक्षणात आरक्षण द्या अशी मागणी करणारी याचिका पुण्याचे भारत अगेन्स्ट करप्शन या संघटनेचे अध्यक्ष हेमंत पाटील तसेच महाराणी अहिल्या देवी समाज प्रबोधीनी मंचचे, ईश्वर ठोंबरे व पुरुशोत्तम धाखोले यांनी उच्च न्यायालयात केली आहे.
तर या याचिकांना विरोध करत वनवासी कल्याण आश्रमाच्यावतीने ऍड गार्गी वारूंजीकर यांनीही न्यायालयात याचिका दाखल केली आहे. या याचिकांवर आज न्यायमूर्ती गौतम पटेल आणि न्यायामूर्ती कमल खटा यांच्या खंडपीठासमोर एकत्रित सुनावणी घेण्यात आली. न्यायालयाने सुनावणीवेळी काही मुद्दे उपस्थित केले तसेच त्याबाबत सविस्तर माहिती देण्याचे निर्देश पक्षकारांना दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
