Eknath Khadse : राष्ट्रवादी काँग्रेस पक्षाचे नेते तथा माजी मंत्री आ. एकनाथ खडसे यांनी पुन्हा एकदा उपमुख्यमंत्री देवेंद्र फडणवीस यांच्यावर टीका केली आहे. यावेळी त्यांनी उपमुख्यमंत्री अजित पवार यांनाही चिमटा काढला आहे.
यावेळी एकनाथराव खडसे म्हणले की, देवेंद्र फडणवीसांकडून अजित पवारांची मानहानी करण्याचा प्रयत्न होत आहे. पवारांनी दिलेल्या आदेशाला फडणवीसांनी स्थागिती द्यावी हे तर अजित पवारांच्या अधिकारांवर मर्यादा आणण्या सारखं आहे.
यावेळी खडसे अजित पवारांना टोला लागावतांना म्हणाले कि, फडणवीस हे सिनियर उपमुख्यमंत्री आहेत तर अजितदादा हे जुनियर यामुळे अजितदादा यांच्यासारख्या ज्युनिअर उपमुख्यमंत्र्यांवर वचक ठेवण्यासाठी सीनियर उपमुख्यमंत्री देवेंद्र फडणवीस यांची सही लागेल.
खडसेंनी यावेळी गिरीश महाजन यांच्यावर देखील टीका केली यावेळी ते म्हणाले कि, मंत्रिमंडळातील सर्वच मंत्र्यांमध्ये मतभेद असल्याचे पाहायला मिळत आहेत. जिल्ह्याच्या पालकमंत्री पद महाजनांना हवे होते. मात्र त्याना पालकमंत्री पद मिळणारच नाही हे त्यांना समजताच त्यांनी नाद सोडला.
इंडियाच्या मुंबईतील बैठकीकडे संपूर्ण देशाचे लक्ष आहे. यात मोठे निर्णय होऊ शकतात. यामुळे राजकारणाला नवीन दिशा मिळणार आहे. जनतेतली नाराजी एकत्र होऊन याचा फायदा इंडियाला होईल असे खडसे म्हणाले.
(हे वृत्त 'साम मराठी' वाहिनीने प्रकाशित केले आहे.)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
