मुंबई - सध्या कोणत्या पक्षातील नेते दुसऱ्या कोणत्या पक्षात जातील याचा काही नेम उरला नाही. शिवसेनेतून बाहेर पडून शिंदे गटाने सरकार स्थापन केलं. त्यामुळे एकनाथ शिंदे गट आणि उद्धव ठाकरे असे दोन गट पडले आहे. या दोन्ही गटांनी पूर्वीचा शिवसेना पक्षाचं नाव आणि चिन्ह गोठवल्यानंतर नवीन पक्ष स्थापन केले आहे. आता मंत्री गुलाबराव पाटील यांनी राष्ट्रवादी काँग्रेस आणि एकनाथ शिंदे गट एकत्र येण्याबाबत मोठं विधान केलं आहे.
याआधी एकनाथ शिंदे यांनी राष्ट्रवादी काँग्रेसचे प्रमुख शरद पवार यांची भेट घेतल्यानंतर सूचक विधान केलं होतं. त्यात त्यांनी भविष्यात शिंदे गट आणि राष्ट्रवादी काँग्रेस एकत्र येऊ शकतात, असं म्हटलं होतं. आता पाटील यांनी एकत्र येण्याबाबत सुचक वक्तव्य करून भाजपला इशारा दिलाय का, अशा चर्चा सुरू झाल्या आहेत.
एकनाथ शिंदे गट आणि उद्धव ठाकरे गट एकत्र येणार का, असा प्रश्न पाटील यांना विचारण्यात आला. त्यावर पाटील म्हणाले की, भविष्यात कोणताही गट एकत्र येऊ शकतो.
राष्ट्रवादीचे आमदार अमोल मिटकरी यांनी एकनाथ शिंदे यांच्या पवार भेटीनंतर शिंदे गट आणि राष्ट्रवादीची भविष्यात युती होऊ शकते, असं विधान केलं होतं. मात्र केसरकर यांनी शरद पवार राज्यातील ज्येष्ठ नेते आहेत. आम्ही सगळेच त्यांच्या तब्येतीची विचारपूस करत असतो. त्यामुळे मुख्यमंत्री शिंदे यांनी त्याच्या तब्येतीची विचारपूस केल्याचं म्हटलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
