महाराष्ट्रात मतदार ओळखपत्र होणार आधारशी लिंक; एक ऑगस्टपासून प्रक्रिया

मुंबई : आता राज्यात मतदार ओळखपत्र आधार कार्डशी लिंक करण्यात येणार आहे. निवडणूक आयोगाने याबाबतची तारीखही जाहीर केली आहे. महाराष्ट्राचे मुख्य निवडणूक अधिकारी (CEO) श्रीकांत देशपांडे यांनी सांगितले की, ही प्रक्रिया 1 ऑगस्टपासून राज्यभर सुरू होईल. (linking voter id cards with aadhaar card)

मतदारांची ओळख पटवून देण्यासाठी आणि मतदार यादीतील नोंदी प्रमाणित करण्यासाठी हे पाऊल उचलण्यात येत असल्याचे महाराष्ट्राचे मुख्य निवडणूक अधिकाऱ्यांनी यावेळी सांगितले. मतदार ओळखपत्र आधार कार्डशी लिंक केल्यास एकाच व्यक्तीचे नाव एकापेक्षा जास्त मतदारसंघात किंवा एकाच मतदारसंघात एकापेक्षा जास्त वेळा नोंदणी केल्यास ते शोधून काढणे सोपे होणार आहे. भारत निवडणूक आयोग 1 ऑगस्टपासून संपूर्ण राज्यात मतदार ओळखपत्र आधार कार्डशी लिंक करण्याची मोहीम सुरू करणार आहे.

इलेक्ट्रॉनिक इलेक्टोरल फोटो आयडेंटिटी कार्ड डेटाशी आधार डेटा लिंक केल्याने मतदारांचा खाजगी आणि वैयक्तिक डेटा वैधानिक प्राधिकरणाला उपलब्ध होईल आणि मतदारांवर मर्यादा लागू होईल. म्हणजेच, मतदारांना आता त्यांचे संबंधित आधार तपशील सादर करून निवडणूक नोंदणी अधिकारी (प्रतिसाद क्रमांक 2) यांच्यासमोर त्यांची ओळख प्रस्थापित करावी लागेल.

सरकारच्या निवडणूक सुधारणा कार्यक्रमाचा एक भाग

सध्याच्या केंद्र सरकारच्या निवडणूक सुधारणा कार्यक्रमाचा एक भाग म्हणून, निवडणूक आयोगाने मतदार ओळखपत्राद्वारे निवडणूक डेटाशी आधार कार्ड लिंक करण्याचे काम सुरू केला आहे. एकाच व्यक्तीच्या नावाने असलेली जास्तीची मतदार ओळखपत्रे काढून टाकणे हा त्याचा उद्देश आहे. त्याचबरोबर निवडणूक प्रक्रिया ही त्रुटीमुक्त करण्यासाठी तयार करण्यात आलेल्या सुधारित कायद्यानुसार, निवडणूक नोंदणी अधिकारी कोणत्याही व्यक्तीकडून त्याचा आधार क्रमांक मागू शकतात. मात्र, याशी संबंधित एका खटल्याच्या सुनावणीदरम्यान सर्वोच्च न्यायालयाने स्पष्ट केले होते की, आधार कार्ड किंवा क्रमांक हे केवळ ओळखीचे दस्तऐवज आहे, मात्र ते नागरिकत्वाचा आधार नाही.