Election Commission : विधानसभा तोंडावर असताना निवडणूक आयोगाची राज्य शासनावर नाराजी; मुख्य सचिवांना लिहिलं पत्र

Maharashtra Assembly Election 2024: केंद्रीय निवडणूक आयोगाने महाराष्ट्राच्या मुख्य सचिवांना पत्र लिहून जाहीर नाराजी व्यक्त केली आहे. तब्बल तीनवेळा स्मरणपत्र देऊनही निर्णय न घेतल्याने आयोगाने ताशेरे ओढले आहेत. विधानसभा निवडणुका तोंडावर असताना आयोगाने शासनाची खरडपट्टी काढली आहे.

विधानसभा निवडणुकीच्या पार्श्वभूमीवर अधिकाऱ्यांच्या बदल्यांबाबत केलेल्या सूचनांचा अहवाल न दिल्याने आयोगाने व्यक्त तीव्र नाराजी व्यक्त केली. केंद्रीय निवडणूक आयोगाने महाराष्ट्रासह निवडणुका होणाऱ्या इतर चार राज्यांच्या मुख्य सचिवांना पत्र लिहिलं होतं.

यामध्ये एकाच जागी तीन वर्षांपेक्षा जास्त काम करणाऱ्या अधिकाऱ्यांच्या बदल्या करण्याच्या सूचना दिल्या होत्या. पण या पत्राकडे दुर्लक्ष केल्याने आयोगाने दर्शवली नाराजी व्यक्त केली आङे. दिलेल्या कालावधीत या सगळ्यांची माहिती का दिली नाही, हे स्पष्ट करण्याचे निर्देश केंद्रीय निवडणूक आयोगाने दिले आहेत.

तीन वेळा स्मरणपत्र पाठवूनही राज्य सरकारकडून कुठलंही उत्तर न आल्याने केंद्रीय निवडणूक आयोगाने ताशेरे ओढले आहे. राज्य शासन विधानसभा निवडणुकीवरुन गंभीर नाही का? असा प्रश्न उपस्थित होतोय.