मुंबई- महाराष्ट्राचे माजी मुख्यमंत्री अशोक चव्हाण हे आज भाजपमध्ये प्रवेश करणार आहेत. ते भाजप कार्यालयाकडे रवाना झाले आहेत. यावेळी माध्यमांशी बोलताना ते म्हणाले की, भाजपमध्ये आज मी प्रवेश करणार आहे. आजपासून भाजपसोबत नव्या राजकीय कारकीर्दीला सुरुवात करतोय. दुपारी साडेबाराच्या सुमारास नव्या पर्वाला मी सुरुवात करत आहे. (ex congress leader Ashok Chavan said Making a new political start with BJP today )
आज मी उपमुख्यमंत्री देवेंद्र फडणवीस आणि चंद्रशेखर बावनकुळे, आशिष शेलार यांच्या उपस्थितीत भाजपमध्ये प्रवेश करत आहे. आता कोण काय बोलतंय हे मला बघायचं नाही त्यावरती मी नंतर बोलेल. आज पक्ष प्रवेश होईल. त्यानंतर उद्या सर्व गोष्टींवर मी सविस्तर बोलेन, असं चव्हाण म्हणाले. अशोक चव्हाण भाजप कार्यालयात रवाना झाले असून फडणवीस आणि बावनकुळे यांच्या उपस्थितीत त्यांचा पक्ष प्रवेश होईल.
अशोक चव्हाण यांनी काँग्रेसवर बोलणे टाळले आहे. कालच्या गोष्टी आता सोडा असं ते म्हणाले आहेत. चव्हाण यांच्या भाजप प्रवेशावेळी अनेक पदाधिकारी देखील भाजपमध्ये प्रवेश करतील. काही आमदार देखील अशोक चव्हाण यांच्यासोबत जाण्याची शक्यता आहे. त्यामुळे काँग्रेसने आपल्या आमदारांसोबत संपर्क करण्यास सुरुवात केली आहे. काँग्रेस हायकमांड हायअलर्ट झाले आहे.
अशोक चव्हाण यांनी काल विधानसभा अध्यक्ष राहुल नार्वेकर यांना आपल्या आमदारकीचा राजीनामा दिला होता. तसेच आपल्या काँग्रेस सदस्यत्वाचा राजीनामा प्रदेशाध्यक्ष नाना पटोले यांच्याकडे सुपूर्द केला होता. दोन दिवसात आपण भूमिका स्पष्ट करु असं अशोक चव्हाण म्हणाले होते. आज त्यांनी आपली भूमिका स्पष्ट केली असून ते भाजपमध्ये जात आहेत. त्यांच्या पक्षप्रवेशासाठी भाजप कार्यालयात जय्यत तयारी करण्यात आली आहे. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
