मुंबईः मुंबईचे माजी पोलीस आयुक्त संजय पांडे यांनी शनिवारी उद्धव ठाकरे यांची भेट घेतली. ठाकरेंच्या मातोश्री निवासस्थानी ही भेट झाली. जवळपास दीड तास दोघांमध्ये चर्चा झाल्याची माहिती आहे.
राज्यात महाविकास आघाडीचं सरकार असताना आणि उद्धव ठाकरे हे महाराष्ट्राचे मुख्यमंत्री असताना संजय पांडे हे मुंबईचे पोलीस आयुक्त होते. नॅशनल स्टॉक एक्स्चेंजमधील कर्मचार्‍यांच्या कथित फोन टॅपिंग प्रकरणी संजय पांडे यांना दिल्ली उच्च न्यायालयाने जामीन मंजूर केला आहे.
संजय पांडे यांना ED ने 19 जुलै 2022 रोजी निवृत्तीनंतर काही दिवसांनी अटक केली होती. उच्च न्यायालयाने दिलेल्या जामीनाला ईडीने सुप्रीम कोर्टात आव्हान दिलं आहे. ते आव्हान 8 मे 2023 रोजी फेटाळण्यात आलं होतं.
त्यानंतर शनिवारी उद्धव ठाकरेंसोबत त्यांनी दीड तास चर्चा केली. ठाकरे आणि पांडे यांच्यात नेमक्या कुठल्या मुद्द्यावर चर्चा झाली, हे कळू शकलेलं नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
