Gadchiroli Boad Capsized: गडचिरोलीत मजुरीवर निघालेल्या महिलांची नाव नदीत उलटली; ६ जणींना जलसमाधी

गडचिरोली : मजुरीवर निघालेल्या महिलांची नाव नदीत उलटल्यानं त्यात ६ जणींनी जलसमाधी मिळाल्याची घटना घडली आहे. गडचिरोलीतील चार्मोशी तालुक्यात ही दुर्घटना घडली आहे. आज सकाळी ११ वाजताच्या सुमारास वैनगंगा नदीतून जात असताना ही घटना घडली आहे. यातील एका महिलेला वाचवण्यात बचाव पथकाला यश आलं आहे. (Gadchiroli Boad Capsized 6 women labor drown in vainganga river)

या घटनेची माहिती कळताच पोलिसांनी तातडीनं घटनास्थळी धाव घेतली आणि बचावकार्य सुरु केलं. चार्मोशीतील गणपूर गावाजवळून वाहणाऱ्या वैनगंगा नदीत ही दुर्घटना घडली. या महिला मिरची तोडणीसाठी निघाल्या होत्या. एकूण सहा जणी या नदीतून पलिकडं निघाल्या होत्या त्यांच्यासोबत नावाडी सुद्धा होता.

पण नाव उलटल्यानंतर नावाडी पोहून नदीबाहेर आला. त्यानं एका महिलेला वाचवण्याचा प्रयत्नही केला पण तो तिला वाचवू शकला नाही. या घटनेची माहिती वाऱ्यासारखी आजूबाजूच्या गावांमध्ये पसरली. त्यानंतर लोकांनी तिकडं गर्दी केली.

गणपूरवरुन चंद्रपूरला जाण्यासाठी रस्ते आणि वाहनांची व्यवस्थीत सोय नसल्यानं इथं ग्रामस्थांना नदीतून नावेच्या माध्यमातून जीवघेणा प्रवास करावा लागतो. आता या घटनेनंतर तरी इथं प्रशासनाकडून दळणवळणाचा गांभीर्यानं विचार होईल अशी अपेक्षा व्यक्त केली जात आहे.