नक्षल्यांनी केली आपल्याच कट्टर समर्थकाची हत्या
Naxalites killed its own Supporter: ‘पीएलजीए’ सप्ताहाच्या पहिल्या दिवशी भामरागड तालुक्यात बॅनर व पत्रके टाकल्यानंतर मध्यरात्री नक्षल्यांनी उत्तर गडचिरोलीतील कोरची तालुक्यात आपल्याच एका कट्टर समर्थकाची हत्या केल्याने खळबळ उडाली आहे.
चमरा मडावी (वय ३८) रा. मुरकुटी, असे हत्या झालेल्या व्यक्तीचे नाव आहे. तो पोलिस खबरी असल्याचा संशय नक्षल्यांनी मृतदेहाजवळ टाकलेल्या पत्रकात व्यक्त केला असला, तरी तो कट्टर नक्षल समर्थक होता, अशी माहिती गडचिरोली पोलिसांनी दिली आहे.
मागील १५ दिवसांपासून जिल्ह्यात नक्षलवाद्यांच्या हालचाली वाढल्या आहेत. पोलिस खबरी असल्याच्या संशयावरून दक्षिण गडचिरोलीत लागोपाठ तीन हत्या केल्यानंतर नक्षल्यांनी आपला मोर्चा उत्तर गडचिरोलीकडे वळविण्याल्याचे दिसून येत आहे.
पीएलजीए सप्ताहाच्या पहिल्याच दिवशी शनिवार (ता. २)मध्यरात्री कोरची तालुक्यातील मुरकुटी गावातील रहिवासी असलेल्या चमरा मडावीची नक्षल्यांनी गळा आवळून हत्या केली. घटनास्थळावर आढळून आलेल्या पत्रकात चमरा हा पोलिस खबरी असून नक्षल्यांच्या नावावर त्याने अनेकांकडून पैसे गोळा केल्याचे म्हटले आहे. (Latest Marathi News)
यासंदर्भात पोलिस अधीक्षक नीलोत्पल यांना विचारणा केली असता त्यांनी सांगितले की, चमरा मडावी हा नक्षल्यांचा कट्टर समर्थक होता.रविवारी सकाळी कोरची पोलिस स्टेशनपासून १४ किलोमीटर अंतरावर असलेल्या मुरकुटी येथे गडचिरोली- गोंदिया सीमेवर चमरा मडावीचा गळा दाबून खून करण्यात आला आहे. तो कट्टर नक्षल समर्थक होता.
त्याची बहीण एमएमसी परिसरातील विस्तार प्लाटून ३ ची माओवादी सदस्य असून डीव्हीसीएमची पत्नी आहे. त्याच्या मृतदेहाजवळ सापडलेल्या पत्रकात म्हटले आहे की, तो आधी नक्षलवाद्यांसाठी काम करत होता. पण नंतर तो अनेक कंत्राटदारांकडून नक्षलवाद्यांच्या नावावर पैसे गोळा करत होता. (Latest Marathi News)
विशेष म्हणजे नक्षलवाद्यांना बंदुकीच्या गोळ्या पुरवण्याच्या प्रयत्नात त्याला गेल्या वर्षी मध्य प्रदेशात बालाघाट येथे अटक करण्यात आली होती. काही महिन्यांपूर्वीच त्याची तुरुंगातून सुटका झाली होती. या खुनाचा पुढील तपास करण्यात येत असल्याचे त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
