राज्यात कोरोनाचा प्रादुर्भाव कमी झाल्यामुळे यंदा कोणत्याही निर्बंधांशिवाय गणपती उत्सव मोठ्या आनंदात साजरा केला जात आहे. त्यात मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस यांनी मनसे अध्यक्ष राज ठाकरे यांच्या घरी जाऊन त्यांच्या गणपतीचे दर्शन घेतले. एवढेच नव्हे तर, विरोधी पक्ष नेते अजित पवार यांच्या पत्नी सुनेत्रा पवार यांनीदेखील शिवतीर्थ या निवासस्थानी दाखल होत राज यांच्या घरच्या गणपतीचं दर्शन घेतले. दरम्यान, राज यांच्या घरातील गणपतीचं दर्शन घेण्यासाठी जाणार का? या प्रश्नावर अजित पवार यांनी उत्तर दिलं आहे. त्यामुळे अजित पवार राज यांच्या शिवतीर्थव जाऊन गणपतीचं दर्शन घेणार का? हे पाहणे महत्त्वाचे ठरणार आहे.
तुम्हीदेखील राज यांच्या घरी जाऊन गणपतीचं दर्शन घेणार का? असा प्रश्न विचारण्यात आला. त्यावर उत्तर देताना अजित पवार म्हणाले की, सध्यातरी माझा काही असा काही विचार नाहीये. यापूर्वी राज ठाकरे आणि माझी अनेकदा भेट झाली आहे. आमच्या दोघांमध्ये राजकीय मतभेद असू शकतात याचा अर्थ आम्ही काही एकमेकांचे शत्रू नसल्याचे म्हटले आहे. त्यामुळे अजित पवार राज यांच्या शिवतीर्थव जाऊन गणपतीचं दर्शन घेणार का? हे पाहणे महत्त्वाचे ठरणार आहे.
एकनाथ शिंदे राज ठाकरेंच्या भेटीवर केलं भाष्य
एकनाथ शिंदे यांनी नुकतीच राज यांच्या निवास्थानी जाऊन राज ठाकरे यांची भेट घेतली. आगामी महापालिकांच्या निवडणुकांपूर्वी ही भेट घेतल्याने अनेक चर्चांना उधाण आले आहे. या भेटीवर अजित पवार यांनी प्रतिक्रिया दिली आहे. ते म्हणाले की, आपली भारतीय संस्कृती आणि परंपरा आहे. त्यानुसार आपण अनेकांच्या घरी जाऊन भेट घेत असतो. त्यात वाईट वाटायचं काय कारण ? असे पवार म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.