Gautami Patil Surname new controversy viral social media : महाराष्ट्रात सध्या गौतमी पाटीलची चलती आहे. तिच्या कार्यक्रमांना हजारोंची गर्दी होते. त्यामुळे तिच्यावर टीका केली जाते. आता तिने 'पाटील' आडनाव लावू नये, असा इशारा तिला देण्यात आला आहे. शिवाय त्यासंबंधीची एक बैठक पुण्यात झाली.
गौतमीचं खरं आडनाव पाटील नसून चाबुकस्वार असल्याचं समोर येत याहे. त्यामुळे पाटील हे आडनाव लावून ती पाटलांची बदनामी करतेय, असा तिच्यावर आरोप आहे. तिने पाटील आडनाव लावू नये, अन्यथा महाराष्ट्रात तिचे कार्यक्रम होऊ देणार नाही, असा इशारा मराठा समन्वयक राजेंद्र जराड पाटील यांनी दिला आहे. त्यामुळे आता गौतमी काय उत्तर देणार, हे पाहाणं औचित्याचं होतं.
शेवटी सायंकाळी गौतमीने प्रतिक्रिया दिलीच. ती म्हणाली, कोण काय बोलतंय याने मला काही फरक पडत नाही. मी माझं काम करत राहणार आहे. मी पाटील आहे आणि पाटीलच नाव लावणार.
महाराष्ट्रात कार्यक्रम होऊ देणार नाही, या राजेंद्र पाटील यांच्या इशाऱ्यावर बोलताना ती म्हणाली, आता कोण काय बोलतंय याने मला फरक पडत नाही. कोणाला माझ्या कार्यक्रमाविषयी काही प्रश्न असतील तर त्यांनी माझ्या कार्यक्रमाला यावं आणि संपूर्ण कार्यक्रम पाहावा, असं आवाहन तिने बोलतांना केलं.
ज्या गावात गौतमी पाटीलचा कार्यक्रम असतो तिथे हुल्लबाजी झाली नाही असे होत नाही. शेकडो पोलिसांचा बंदोबस्त ठेवून देखील तरुणाईचा होणारा राडा हा सोशल मीडियावर व्हायरल होतो. महाराष्ट्राच्या वेगवेगळ्या जिल्ह्यातील गावकऱ्यांनी गौतमीचा कार्यक्रम असल्यास कडक धोरण अवलंबले आहे. ते म्हणजे तिचा कार्यक्रम गावात होऊ न देणे, ज्या गावात गौतमीचा कार्यक्रम असल्यास पोलिसांची पूर्वपरवानगी घेणे आवश्यक आहे, असे नियम काढले आहेत. दरम्यान, आता गौतमीच्या आडनावावरुन वादंग पेटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
