Latest Gold And Silver Rate: सोन्याच्या भावात आज जोरदार वाढ झाली असून, सोन्याचा भाव प्रति दहा ग्रॅमसाठी ७५ हजार रुपयांच्या सार्वकालिक उच्चांकावर पोहोचला आहे. इंडिया बुलियन अँड ज्वेलर्स असोसिएशनने (आयबीजेए) दिलेल्या माहितीनुसार, आज २४ कॅरेट सोन्याचा भाव प्रति दहा ग्रॅमसाठी ७५, २४८ रुपयांवर पोहोचला.
सोन्याचा भाव मंगळवारी ७४,७६४ रुपये प्रति दहा ग्रॅम होता. या आठवड्यात आतापर्यंत सोने प्रति दहा ग्रॅममागे १,१६७ रुपयांनी महागले आहे. नवी दिल्लीत आज २४ कॅरट सोन्याचा भाव प्रति दहा ग्रॅममागे ७७,१७० रुपयांवर पोहोचला, तर पुण्यात प्रति दहा ग्रॅमसाठी ७७,०२० रुपये नोंदवला गेला.