राज्यपालांनी ओबीसी आरक्षणाच्या विधेयकावर सही केली असून यामुळे कायद्याचा मार्ग मोकळा झाला आहे.
राज्यपालांनी ओबीसी आरक्षणाच्या विधेयकावर सही केली असून यामुळे कायद्याचा मार्ग मोकळा झाला आहे. महाविकास आघाडीच्या नेत्यांची बैठक संपल्यानंतर मंत्री विजय वडेट्टीवार यांनी याबाबत माहिती दिली. निवडणूक आयोग सुधारणा विधेयक राज्यपालांकडे सहीसाठी पाठवण्यात आलं होतं. या मुद्यावरून मधल्या काळात बऱ्याच घडामोडी घडल्या होत्या. आता राज्यपालांनी या विधेयकावर सही केल्याची माहिती विजय वडेट्टीवार यांनी दिली. राज्यपालांच्या भेटीला शिष्टमंडळ गेले होते अशी माहितीसुद्धा त्यांनी दिली.
राज्य सरकारने विधिमंडळात OBC आरक्षण संदर्भात विधेयक मंजूर केले होते. या विधेयकावर आता राज्यपाल भगतसिंग कोश्यारी यांनी अखेर सही केलीय. विधेयक मंजूर झाल्यानतंर राज्य निवडणूक आयोगाकडे फक्त निवडणूक घेण्याचे अधिकार असणार आहेत. निवडणूक वगळता सर्व अधिकार राज्यसरकारकडे येतील. यामुळे आता प्रभाग रचनेचा अहवाल निवडणूक आयोगाकडे देत नाही तोपर्यंत निवडणूक जाहीर करता येणार नाही.
प्रभाग रचना, निवडणुकीच्या तारखा ठरवण्याचे अधिकार राज्य सरकारकडे असतील. मध्य प्रदेश पॅटर्नप्रमाणेच राज्यात ओबीसी आरक्षणाचं विधेयक आणलं होतं, त्याला विधीमंडळात मंजुरी मिळाल्यानंर राज्यपालांकडे सहीसाठी पाठवले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
