वाशिमः अ‍ॅड. गुणरत्न सदावर्ते यांनी वेगळ्या विदर्भाचा मुद्दा उपस्थित करुन नव्या मुद्द्याला हात घातला आहे. ते बुधवारी वाशिम जिल्ह्याच्या दौऱ्यावर होते. यावेळी त्यांनी एसटी महामंडळातील भ्रष्टाचारावरदेखील भाष्य केलंय.
वेगळ्या विदर्भाबद्दल बोलताना गुणरत्न सदावर्ते म्हणाले की, महाराष्ट्रातून विदर्भ राज्य वेगळं झालं पाहिजे, छोटे-छोटे राज्य निर्माण झाल्यास राज्याचा विकास होतो. याकरिता विदर्भ वेगळा झाला पाहिजे. यासाठी प्रयत्न करत राहणार असल्याचं मत त्यांनी व्यक्त केलं.
एसटी महामंडळातील भ्रष्टाचाराबद्दल सदावर्ते म्हणाले की, जुने भ्रष्टाचार काढायचे, चुकीचे फॉरेन्सिक रिपोर्ट लावायचे, स्वतः ईडच्या फेऱ्यात असलेल्यांना हे अधिकार आहेत का? माझ्याबद्दल बोलतात परंतु माझी मनमानी आहेच. कष्टकऱ्यांच्या या एसटी महामंडळातील संपूर्ण भ्रष्टाचार मी बाहेर काढणार असून कोणी आडवे आले तर पुन्हा ईडीकडे तक्रार करणार आहे.
एसटी सहकारी बँकेवर सध्या Adv. गुणरत्न सदावर्ते यांच्या पॅनेलची सत्ता आहे. त्यांनी घेतलेल्या काही निर्णयांवर आक्षेप घेतला जात आहे. एकामागून एक चुकीचे निर्णय घेतल्याचा गंभीर आरोप सभासदांकडून करण्यात आला आहे. यासंदर्भात सहकार आयुक्तांना एका सभासदानं पत्र लिहून तक्रार केलीय. याच मुद्द्यावरुन त्यांनी काही सभासदांना टार्गेट केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
