मुंबईः सरत्या वर्षाला निरोप देऊन नवीन वर्षाचं आगमन झालं आहे. देशभरात ठिकठिकाणी मोठ्या जल्लोषात नवीन वर्षाचं स्वागत करण्यात आलं. थर्टीफस्टच्या जल्लोषात तरुणाईने धम्माल केली. नवी स्वप्न आणि नव्या संकल्पांचं हे वर्ष सर्वांनासाठी अपेक्षापूर्तीचं ठरो, अशा शुभेच्छा एकमेकांना देण्यात आल्या.
राज्यातील मुंबई, पुणे, नाशिक, कोल्हापूर, नागपूर, जळगाव, छत्रपती संभाजी नगर, सातारा या शहरांमध्ये पर्यटकांनी गर्दी केली होती. शिवाय कित्येक जणांनी राज्याबाहेर जात अनंदोत्सव साजरा केला. मुंबईमध्ये समुद्रकिनाऱ्यावर तरुणांनी गर्दी केली होती. पुण्यात रस्त्यारस्त्यावर उत्साह सळसळत होता.
सर्वत्र जल्लोष, उत्साह आणि नृत्याच्या ठेका धरताना तरुणाई दिसून आली. अशा आनंदाच्या अन् उत्साहाच्या वातावरणात नव्या वर्षाचं स्वागत झालं. मोठ्या शहरांमध्ये ठिकठिकाणी आकर्षक रोषणाई करण्यात आलेली होती. अनेक ठिकाणी फटाक्यांची आतषबाजी करण्यात आली.
महत्त्वाचं म्हणजे यंदा नूतन वर्षाचं स्वागत हे संगीत मैफिलींनीही करण्यात आलं. रात्रभर सूरांच्या सानिध्यात नव्या पहाटेचं स्वागत होत आहे. मोठ्या शहरांमध्ये बंदिस्त मैफिती आयोजित करण्यात आलेल्या आहेत.
राजकीय क्षेत्रातील अनेक मंडळींनी नागरिकांना नवीन वर्षांच्या भरभरून शुभेच्छा दिल्या. राज्याचे मुख्यमंत्री एकनाथ शिंदे यांनीदेखील ट्वीट करत शुभेच्छा दिल्या. तर त्यांनी रक्तदान करुन नवीन वर्षांचं स्वागत केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
