मुंबई : विधानपरिषदेचे विरोधी पक्ष नेते प्रवीण दरेकारांच्या अडचणीत वाढ झाली आहे. मजूर प्रकरणात दाखल गुन्ह्यात अटक न करण्याची मागणी मुंबई हायकोर्टाने फेटाळली आहे. त्यामुळे दरेकरांच्या अडचणी वाढल्या आहेत. मजूर प्रकरणात अटक न करण्याची मागणी प्रवीण दरेकर यांनी केली होती. मात्र, न्यायालयाने दरेकरांची ही मागणी फेटाळून लावल्याने दरेकरांवर अटक होणार का ? असा प्रश्न उपस्थित झाला आहे. अटकपूर्व जामीनासाठी सत्र न्यायालयात याचिका दाखल करण्याचे निर्देश दिले आहेत. (High Court refuses to grant relief to Praveen Darekar)
मजूरप्रकरणात अटकपूर्व जामिनासाठी सत्र न्यायालयात याचिका दाख करा असे निर्देश न्यायालयाने दरेकर यांना दिले आहेत. या प्रकरणी दोनच दिवसांपूर्वी दरेकरांविरोधात मुंबईमध्ये गुन्हा करण्यात आला होता. त्यानंतर या प्रकरणी आपल्याला अटक होऊ नये यासाठी दरेकर यांच्याकडून हायकोर्टात याचिका दाखल करण्यात आली होती. मात्र, न्यायालयाने ही याचिका फेटाळून लावली आहे.
सध्या या प्रकरणातील चौकशी प्राथमिक अवस्थेत असल्याने न्यायालयाने कोणताही दिलासा देऊ नये, अशी मागणी सरकारी पक्षाकडून करण्यात आली होती. तसेच यामुळे तपासावर परिणाम होईल अशी बाजू सरकारकडून न्यायालयात मांडण्यात आली. तसेच या प्रकरणी दिलासा मिळण्यासाठी दरेकरांनी रितसर मुंबई सत्र न्यायालयात याचिका दखल करण्याचे निर्देश हायकोर्टाने दिले आहेत. दरम्यान, गुरुवारी अटकपूर्व जामिनासाठी याबाबत सत्र न्यायालयात याचिका दाखल करणार असल्याची माहिती दरेकरांच्या वकीलांकडून सांगण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
