मुख्यमंत्री एकनाथ शिंदे यांना उच्च न्यायालयाने दिलासा दिला आहे. शिवसेनेच्या एकनाथ शिंदे गटाचा मुंबईतील बीकेसी मैदानात दसरा मेळावा घेण्यात आला होता. यासंदर्भात करण्यात आलेली याचिका हायकोर्टाने फेटाळली आहे. बीकेसीत झालेल्या शिंदे गटाच्या दसरा मेळाव्यातील खर्चाची सीबीआय चौकशीची मागणी करणारी याचिका दाखल करण्यात आली होती.
बीकेसीत घेतलेल्या दसरा मेळाव्याविरोधातील ही याचिका कोर्टाने फेटाळली असून सुनावणीकरता याचिकाकर्ते आणि वकील गैरहजर राहिल्याचे पाहायला मिळाली.
नेमकं प्रकरण काय आहे?
गेल्या वर्षी एकनाथ शिंदे यांच्यासोबत शिवसेनेतून बंडखोरी करून बाहेर पडलेल्या आमदारांनी मुंबईतील बीकेसी मैदानात दसरा मेळावा घेतला होता. यामेळाव्याला राज्यभरातून शिंदे समर्थक सहभागी झाले होते. समर्थकांच्या प्रवासासाठी सुमारे १७०० बसेस वापरण्यात आल्या. यासाठी शिंदे गटाकडून दहा कोटी रुपये खर्च करण्यात आल्याचा, आरोप याचिकेत करण्यात आला आहे. जोगेश्वरीतील रहिवासी दीपक जगदेव यांनी उच्च न्यायालयात याचिका केली होती..
एकनाथ शिंदे यांच्या दसरा मेळाव्याच्या खर्च कोणी केला होता, याची सीबीआय किंवा अन्य यंत्रणेमार्फत चौकशी करण्याची मागणी याचिकेत करण्यात आली होती. एसटीच्या गाड्या वापरल्यामुळे नागरिकांना गैरसोय सहन करावी लागली, असा दावाही करण्यात आला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
