जळगाव - राष्ट्रवादी काँग्रेसचे आमदार आणि पूर्वाश्रमीचे नेते एकनाथ खडसे आणि भाजपनेते गिरीश महाजन यांच्यातील टीका टीप्पणी मागील अनेक दिवसांपासून सुरू आहे. खडसे यांनी नुकतीच महाजन यांच्यावर कडाडून टीका केली होती. त्याला महाजन यांनी आज प्रत्युत्तर दिलं.
महाजन म्हणाले की, एकनाथ खडसे यांनी आमची काळजी करू नये. त्यांच्या राष्ट्रवादीमधील बचे कूचे जे लोक आहेत ते सुद्धा आता आमच्याकडे येत आहे. आता तुम्ही शरद पवार यांना घट्ट पकडून राहा. इकडे परत यासाठी पुन्हा हातपाय जोडू नका, अशी टीकाही त्यांनी केली.
दरम्यान अजितदादा यांच्याबरोबर येण्यासाठी तुम्ही काय करत आहेत, याची कल्पना आम्हाला तसेच अजित पवार यांना सुद्धा आहे. आमच्याकडे येण्यासाठी प्रयत्न करू नका, असं महाजन म्हणाले.
शरद पवारांकडून प्रफुल्ल पटेलांबाबत नाराजी व्यक्त करण्यात आली होती. राष्ट्रवादी काँग्रेस गटाचे दरवाजे बंद झालेत, असं शरद पवार यांनी म्हटले. यावरून मंत्री गिरीश महाजन यांनी शरद पवार यांना उलट टोला लगावला आहे. त्यांनी कधी सांगितलं तुम्हाला दरवाजे उघडा. उलट आता तुम्ही तुमचे दरवाजे बंद करा. कारण तुमच्याकडचे जे दोन चार लोक शिल्लक आहेत तेही अजित पवारांकडे यायला लागली आहेत, असंही महाजन यांनी म्हटलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
