मुंबई : सर्वोच्च न्यायालयाने बैलगाडा शर्यतीला (Bullock cart racing) काही अटी आणि नियम घालून परवानगी देण्यात आली आहे. त्यामुळे महाराष्ट्रात पुन्हा एकदा धुरळा उडणार आहे. त्याबाबत राज्याचे गृहमंत्री दिलीप वळसे पाटील (Maharashtra Home Minister Dilip Walse Patil) यांनी पहिली प्रतिक्रिया दिली आहे. महाराष्ट्रासाठी हा मोठा दिलासा असल्याचे ते म्हणाले.
मागील अनेक दिवसांपासून बैलगाडी शर्यती बंद होत्या. अनेक दिवसांपासून न्यायालयात हे प्रकरण प्रलंबित होतं. राज्य सरकारने अत्यंत चांगली वकील न्यायालयात बाजू मांडण्यासाठी नेमले होते. त्यामुळे महाराष्ट्र सरकारला मोठा दिलासा मिळाला आहे. काही अटी आणि शर्तीच्या अधीन राहून ही परवानगी देण्यात आली आहे, असं गृहमंत्री म्हणाले.
प्राण्यांवर होणारे अत्याचार थांबावेत असं म्हणत प्राणीमित्रांनी शर्यतींवर बंदीची मागणी केली होती. बैलागाडा शर्यतींचे राज्यातील ग्रामीण भागात मोठे आकर्षण आहे. यासाठी ग्रामीण भागात अनेक आंदोलनेसुद्धा झाली. गावच्या यात्रांमध्ये बैलगाडा शर्यती भरवल्या जातात. मात्र बंदीमुळे यावर बंधने आली होती. मुंबई उच्च न्यायालयाने २०१७ मध्ये बैलागाडा शर्यतीवर बंदी घातली होती. राज्य सरकारने याला सर्वोच्च न्यायालयात आव्हान दिलं होतं. आता न्यायालयाने काही अटी-शर्ती घालत परवानगी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
