सबस्क्राईब करा
मुंबई : तत्कालीन विरोधी पक्ष नेते अजित पवार यांनी वेशांतर करून केलेला विमानप्रवास वादाचा विषय ठरला आहे. खासदार सुप्रिया सुळे यांनी हा मुद्दा संसदेत उपस्थित करत सुरक्षा यंत्रणा आणि संबंधित विमान कंपनीला आरोपीच्या पिंजऱ्यात उभे केले होते. त्या पार्श्वभूमीवर विमानतळावरील सुरक्षा व्यवस्थेचा घेतलेला हा आढावा.
साधारणपणे विमानतळावर प्रवाशाचा चेहरा आणि त्याचा ओळखपत्रावरील फोटो मॅच करून ओळख पटविण्यात येते. किमान दोन ठिकाणी आणि काही विमानतळांवर तीन किंवा चार ठिकाणी हे काम केले जाते.
• मोठ्या विमानतळांवर बोर्डिंग पासचेही स्कॅनिंग होते
• स्कॅनर नसलेल्या छोट्या विमानतळी खासगी रक्षक ओळख पटवितात
• श्रीनगरसारख्या संवेदनशील ठिकाणी प्रवाशांची पुन्हा तपासणी होते
बोर्डिंग पास इश्यू करताना एअरलाइन्स काउंटरवर ( जबाबदारी : विमान कंपनी)
'सिक्युरिटी होल्ड एरिया' मध्ये प्रवेश करताना ( जबाबदारी सीआयएसएफ)
विमानतळावर प्रवेश करताना डिपार्चर गेट ( जबाबदारी सीआयएसएफ)
विमानतळावर शारीरिक (फ्रिस्किंग) आणि ओळखपत्राची तपासणी होते. बोर्डिंग पास इलेक्ट्रॉनिक असेल तर थेट प्रिस्किंग आणि तपासणी होते. अजित पवार हे फ्रिस्किंग, तपासणीशिवाय इलेक्ट्रॉनिक बोर्डिंग पासवर आत गेले असावेत.
चार्टर्ड विमानाच्याबाबत वेगळे नियम असतात. या विमानाची स्वतंत्र व्यवस्था असते. तिथे खासगी वाहनातून थेट विमानापर्यंत जाता येते. अनेकदा प्रवाशाला ओळखपत्राशिवाय आणि नाव बदलून प्रवास करणे शक्य असते.
दरम्यान, पत्रकारांशी औपचारिक गप्पा करताना अजित पवार यांनी मोठा दावा केला होता. महायुती होत असताना मी ओळख लपवून दिल्लीला जायचो. त्याठिकाणी जाऊन मी केंद्रीय गृहमंत्री आणि भाजप नेते अमित शहा यांच्याशी अनेकदा चर्चा केली आहे. मी तिथे जात होतो हे कोणालाही कळलं नाही, असं अजित पवार म्हणाले होते. यावरून विरोधी पक्षाच्या नेत्यांनी अनेक प्रश्न उपस्थित केले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
