सबस्क्राईब करा
IMD News : पावसाळा सुरु झाली की वर्षा पर्यटनासाठी पर्यटक पाण्याच्या ठिकाणी गर्दी करतात. परंतु वाहत्या पाण्याचा अंदाज न आल्याने वाहून जाण्याच्या घटना घडत असतात. नुकतंच भूशी डॅममध्ये एकाच कुटुंबातील पाच जण वाहून गेल्याची घटना घडली आहे.
अशा घटना घडत असताना नेमकी काय खबरदारी घ्यावी, यासंबंधीचा एक व्हिडीओ पुणे आयएमडी प्रमुख के.एस. होसाळीकर यांनी शेअर केला आहे. या व्हिडीओमध्ये पाण्यापासून बचाव करण्याची ट्रिक सांगितली आहे.
अचानक पाण्याचा प्रवाह आला तर अडकलेल्या लोकांनी पाण्याचा आडवं उभं राहण्यापेक्षा एकापाठी एक उभं राहावं, एकमेकंना घट्ट पकडून अशा पद्धतीने उभं राहिल्यास पाण्याच्या प्रवाहाला विरोध होत नाही. चीनमध्ये देण्यात आलेल्या प्रशिक्षणाचा हा भाग असल्याचं होसाळीकर यांनी सांगितलं.
जर वाहत्या पाण्यात समूहाणे अडकलो तर स्वतःचा आणि इतरांचा जीव कसा वाचवू शकतो. हे china मध्ये दिलेले training प्रशिक्षण व्हिडिओ पहा आणि फॉरवर्ड करा जेणेकरून कुणाला तरी उपयोगी येईल.
लोणावळ्यात वर्षाविहारासाठी गेलेल्या एका कुटुंबातील पाच जण भुशी डॅममध्ये वाहून गेल्याची घटना घडली आहे. यामध्ये ४ लहान मुले आणि १ महिला यांचा समावेश आहे. हे सर्वजण पुण्यातील रहिवाशी होते. भुशी धरणाच्या पाठीमागे असलेल्या डोंगरातील वॉटर फॉल, जो रेल्वेचा वॉटर फॉल म्हणून ओळखला जातो, तिथे हे अन्सारी कुटुंब वर्षाविहाराचा आनंद लुटत होते. ३० जून रोजी पाय घसरुन हे सर्वजण वाहून गेले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.