मुंबई- मावळमध्ये शेतकऱ्याला धमकवल्याप्रकरणी प्रशिक्षणार्थी आयएएस पूजा खेडकरची आई मनोरमा खेडकर तुरुंगात आहे. कोर्टाने तिला पोलीस कोठडी सुनावली आहे. कोठडीत देखील मनोरमा खेडकर हिचा रुबाब कमी झाल्याचं दिसत नाही. मनोरमाने कोठडीत जेवण बेचव मिळत असल्याची तक्रार केली आहे. पोलिसांनी मात्र हा दावा फेटाळला आहे.
मनोरमा खेडकरने बंदुकीचा धाक दाखवून मावळमधील एका शेतकऱ्याला धमकावले होते. याप्रकरणी शेतकऱ्याने पौड पोलीस स्टेशनमध्ये तक्रार दाखल केली होती. त्यानंतर पोलिसांनी मनोरमा खेडकर हिच्यासह अन्य चार जणांविरोधात गुन्हा दाखल केला होता. पोलिसांनी ताब्यात घेण्यापूर्वीच मनोरमा फरार झाली होती.
मनोरमा खेडकर रायगडच्या एका रिसॉर्टमध्ये लपून बसली होती. यावेळी तिने आपले नाव इंदूबाई म्हणून रिसॉर्ट मालकाला सांगितले होते. पोलीस अनेक दिवसांपासून तिच्या मागावर होते. पण, ती सापडत नव्हती. अखेर रायगडमध्ये मनोरमा खेडकरला पकडण्यात आले. तिला पुण्यामध्ये आणण्यात आले. पोलिसांनी मनोरमा खेडकराला पोलीस कोठडी सुनावली आहे.
मनोरमा खेडकरचे दोन व्हिडिओ व्हायरल झाले होते. यात ती अरेरावी करत रुबाब दाखवत असल्याचं दिसलं होतं. कोठडीमध्ये देखील मनोरमाचा रुबाब कमी झाला नाही असंच म्हणता येईल कारण, तिने कोठडीत मिळत असलेल्या अन्नाबाबत तक्रार केली आहे. कोठडीत मिळणारे जेवण अगदी बेचव आहे. खाण्याच्या लायक नाही, असं ती म्हणाले. पोलिसांनी मात्र जेवण उत्तम दिले जात असल्याचं म्हटलं आहे.
दरम्यान, मनोरमा खेडकर या वादग्रस्त प्रशिक्षणार्थी आयएएस पूजा खेडकर यांच्या आई आहेत. पूजा खेडकर यांचे प्रकरण जसे बाहेर आले तसे मनोरमा खेडकर यांचे देखील दोन व्हिडिओ बाहेर आले. मावळमधील शेतकऱ्याला धमकवल्याचा व्हिडिओ सोशल मीडियावर व्हायरल झाला होता. तेव्हा पोलीस अॅक्टिव मोडवर गेले. पूजा खेडकरचे वडील दिलीप खेडकर यांच्यावर देखील गुन्हा दाखल आहे. ते अद्याप फरार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
