Maharashtra Weather Update: महाराष्ट्रासह देशातील अनेक राज्यांमध्ये मुसळधार पाऊस सुरू आहे. भारतीय हवामान विभागाने पुढील दोन दिवस महाराष्ट्रासह अनेक राज्यांना अवकाळी पावसाचा इशारा दिला आहे. आज मराठवाड्यातील काही जिल्ह्यांमध्ये वादळी वाऱ्यासह पावसाची शक्यता आहे. इतकंच नाही तर, विदर्भातील काही जिल्ह्यांमध्ये गारपीटीचा अंदाज वर्तवण्यात आला आहे.
बंगालच्या उपसागरावरून राज्यातील हवामान बदललं असून वाऱ्यांच्या आद्रतेचे प्रमाण वाढल्याने कोकण-गोव्यासह मध्य महाराष्ट्रातील बहुतांश भागांना पावसाचा इशारा देण्यात आला आहे. मुंबई आणि पुण्यातही ढगाळ वातावरण निर्माण होऊन पावसाच्या सरी कोसळतील, असं हवामान विभागाने सांगितलं आहे.
मध्य महाराष्ट्रातील धुळे, अहमदनगर, पुणे, सोलापूर, सातारा, सांगली, नाशिक आणि जळगाव जिल्ह्यांत मेघगर्जनेसह पावसाची शक्यता वर्तवण्यात आली आहे. दुसरीकडे राजधानी दिल्लीसह, उत्तर प्रदेश, राजस्थान, गुजरात, मध्य प्रदेश यासह अनेक राज्यांना पावसाचा इशारा देण्यात आला आहे.
गारपिटीचा इशारा
मध्य महाराष्ट्र, मराठवाडा, विदर्भात वादळी पावसाने हजेरी लावली असतानाच राज्यात उन्हाचा चटका वाढू लागला आहे. यवतमाळ येथे कमाल तापमान ३९.५ अंश सेल्सिअसवर पोहोचले आहे. येत्या २४ तासांमध्ये उत्तर महाराष्ट्र, मराठवाडा आणि विदर्भात तुरळक ठिकाणी वादळी पावसासह गारपीट होण्याचा इशारा हवामान विभागाने दिला आहे.
कमी दाबाचा पट्टा निवळला
उत्तर केरळपासून ते कोकणापर्यंत हवेचा कमी दाबाचा पट्टा निवळला आहे. मात्र राज्याच्या विविध भागांत ढगाळ हवामान होत असून, सायंकाळनंतर पाऊस पडत आहे. शनिवारी (ता. २) उत्तर महाराष्ट्रात, मराठवाडा आणि विदर्भात वादळी पाऊस, गारपिटीचा इशारा दिला आहे. कोकणातही तुरळक ठिकाणी विजांसह पावसाची शक्यता आहे.
येथे येलो अलर्ट
जळगाव, संभाजीनगर, जालना, परभणी, - धुळे, बीड, हिंगोली, नांदेड, अकोला, अमरावती, वर्धा, नागपूर, भंडारा, गोंदिया.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
