...मी कसा रेनकोट घालू? म्हणत जलील यांचा भर पावसात औरंगाबादच्या नामांतराला विरोध

औरंगाबाद - महाराष्ट्रातील आधीच्या महाविकास आघाडी सरकारने अखेरच्या कॅबिनेट बैठकीत अनेक महत्त्वपूर्ण निर्णय घेतले. यामध्ये सर्वात महत्त्वाचा निर्णय होता, तो औरंगाबादचे नामांतर करण्याचा. यावरून आता एमआयएमचे नेते आणि औरंगाबादचे खासदार इम्तियाज जलील आक्रमक झाले असून त्यांनी नामांतराला विरोध करण्यासाठी पावसात सभा घेतली. (Imtiaz Jaleel news in Marathi)

औंरगाबाद येथे आयोजित सभेत जलील यांनी तत्कालीन महाविकास आघाडी सरकारवर हल्लाबोल केला. भर पावसात जलील यांनी सभा घेतली. यावेळी ते म्हणाले समोर तरूण पावसात भिजत असताना मी रेनकोट घालून कसकाय बोलू अशी भावनिक साद त्यांनी उपस्थितांना घातली. याशिवाय त्यांनी राष्ट्रवादीचे प्रमुख शरद पवार यांनी दोन दिवसांपूर्वी औरंगाबादमध्ये केलेल्या विधानाचा समाचार घेतला. ''झुट बोले कव्वा कांटे'' असे म्हणत त्यांनी पवारांवर टीका केली.

औंरगाबादच्या नामांतराच्या मुद्दावर पवार म्हणाले होते की, महाविकास आघाडीच्या किमान समान कार्यक्रमात नामांतराचा मुद्दा नव्हता. तसेच नामांतराच्या मुद्दावर सुसंवाद झाला नव्हता असंही असं पवार यांनी स्पष्ट केलं होतं. या विधानामुळे शरद पवार यांनी नामांतराच्या निर्णयातून राष्ट्रवादी काँग्रेसला बाजुला केलं का असा प्रश्न उपस्थित होऊ लागला.