राज्यात एकीकडे जनजागृती करण्यासाठी विविध संस्था जादूटोणा, अंधश्रद्धा, बळी, अशा प्रथा परंपरा बंद करण्यासाठी प्रयत्न करत राहतात. अथक प्रयत्न करूनही सर्रासपणे असे प्रकार दिसून येतात. सर्रासपणे अंधश्रद्धा पाळल्याचे दिसून येतात. अंधश्रद्धा आणि जादूटोणाच्या यासारख्या गोष्टी कमी करण्यासाठी राज्यात अंनिस आणि इतर संघटना देशभरात काम करत आहेत.
अशातच सांगलीमध्ये धक्कादायक प्रकार समोर आला आहे. सांगली जिल्ह्यामधील आटपाडी तालुक्यामध्ये एका खासगी रुग्णालयाच्या अतिदक्षता विभागातीमध्ये असणाऱ्या रुग्णाच्या डोक्यावर हात ठेवून काहीतरी मंत्रतंत्र म्हणत जादूटोणा करून उपचार करण्याचा प्रयत्न सुरू होता. हा सर्व प्रकार रुग्णालयात सुरू असताना डॉक्टरांनी विरोध केला म्हणून त्यांच्याशी हुज्जत घालण्याचा धक्कादायक प्रकार उघडकीस आला आहे.
या घटनेसंदर्भात संपतराव नामदेव धनवडे यांनी आटपाडी पोलिस स्टेशनमध्ये निवेदनाद्वारे तक्रार दिली आहे. रुग्णालयातील सीसीटीव्हीत कॅमेऱ्यात सर्व प्रकार कैद झाला आहे. संबंधित प्रकार उघड झाल्यानंतर सर्वसामान्यांकडून या प्रकरणावर संताप व्यक्त केला जातोय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
