मुंबईः विश्वचषकाचा अंतिम सामना रविवारी होत आहे. भारत विरुद्ध ऑस्ट्रेलियाची लढत बघण्यासाठी देशभरातील क्रिकेटप्रेमी टीव्हीसमोर आहेत. या क्रिकेट सामन्यावरुन ठाकरे गटाचे नेते संजय राऊत यांनी भाजप आणि भाजपच्या शीर्षस्थ नेत्यांवर टीकास्र सोडलं आहे.
संजय राऊत माध्यमांशी बोलताना म्हणाले की, मी क्रिकेट मॅच बघत नाही. भारत जिंकावा , अशाच सगळ्यांच्या अपेक्षा आहेत. परंतु भाजपचे लोक क्रिकेटचाही इव्हेंट करीत आहेत. भारत जिंकल्यानंतर मोदींमुळे जिंकलो, अशा प्रतिक्रिया ते देतील.
राऊत पुढे म्हणाले, सध्या आपल्याला असं भासवलं जातंय की, अमित शाह बॅटिंग करतील.. मोदी बॉलिंग करतील आणि भाजपचे लोक फिल्डिंग करत आहेत. मोदी होते म्हणूनच आपण जिंकलो, अशा प्रतिक्रिया आल्या तर नवल वाटू नये.
''भाजपकडून खेळाचाही राजकीय इव्हेंट केला जात आहे. मोदींमुळे असे चेंडू वळले, अशी गुगली पडली, अमित शाह स्टंपच्या मागे उभं राहून सांगत होते, अशा प्रतिक्रिया येऊ शकतात'' अशी उपहासात्मक टीका संजय राऊतांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
