Infletion: अवकाळीचा फटका थेट सर्वसामान्यांच्या खिशाला; धान्य झाले महाग; बजेट कोलमडले

Infletion: अवकाळी पाऊस, पुरामुळे पिकांची नासाडी झाली आहे. त्यामुळे यंदा उत्पादनात घट झाली असून त्याचा परिणाम आता किमतींवरही जाणवू लागला आहे. त्यामुळेच गेल्या वर्षाच्या तुलनेत यंदा बाजारी, ज्वारी, गहू, तांदळाच्या दरांमध्ये वाढ झाल्याने सर्वसामन्यांचे बजेट कोलमडले आहे.

गहू, बाजरीच्या दरामध्ये गेल्या वर्षाच्या तुलनेत यंदा आठ रुपयांनी किलोमागे वाढ झाली आहे. ज्वारीचे दर एकोणीस रुपयांनी वाढले आहेत. असेच काही तांदळाच्या बाबतीतही आहे. सध्या तांदळाच्या दरात सात रूपंयानी वाढ झाली आहे.

-तर नोव्हेंबरमध्ये गहू २६ ते ३५ रुपये किलोला विकला जाणारा गहू मुंबई कृषी उत्पन्न बाजार समितीमध्ये २८ ते ४३ रुपयांनी विकला जात असून सरासरी ८ रुपयांची दरवाढ झाली आहे. यंदा बाजारी २८ ते ४३ रूपयांपर्यत झाली आहे. गतवर्षी ज्वारी २८ ते ४५ रुपयांना होती, मात्र यंदा ज्वारीच्या दरात सरासरी २९ रुपयांनी वाढ झाली आहे. तर गतवर्षी २९ ते ४६ रुपयांना मिळणारा तांदूळ यंदा ४० ते ५० रूपयांपर्यत गेला आहे.

दरवाढीची कारणे ः

गहू

बिस्कीट बनवण्यासाठी गव्हाचा वापर करण्यात येत असल्याने जास्त प्रमाणात मागणी असल्याने गव्हाचा बाजारात तुटवडा जाणवत आहे. त्यामुळे गव्हाच्या दरात वाढ झाली आहे.

ज्वारी

महाराष्ट्र, कर्नाटक, गुजरातमधील रहिवासी बाजरी, ज्वारीचा खाण्यासाठी मोठ्या प्रमाणात वापर करत होतो. पण यंदा महाराष्ट्र, गुजरात, कर्नाटकात यंदा उत्पादन कमी आहे.

तांदूळ

कर्नाटक, आंध्रप्रदेश राज्यामधील पुरपरिस्थितीमुळे उत्पादन घटल्यामुळे तांदळाच्या दरात वाढ झाली आहे.

उत्पादनात घट झाल्यामुळे अन्नधान्यांच्या दरात वाढ झालेली आहे. पूरपरिस्थिती, अवकाळी पावसामुळे उत्पादन घटले आहे. मागणी जास्त आहे. पण उत्पादन नसल्याने दर आणखी वाढण्याची शक्यता आहे.

- हर्ष ठक्कर, धान्य व्यापारी

गत वर्षीच्या तुलनेत गहू, ज्वारी, बाजरी, तांदूळ या सर्वसामन्यांशी निगडित असणाऱ्या सर्वच अन्नधान्याचे दर वाढलेले आहेत. एकीकडे महागाई वाढत असताना दुसरीकडे सर्वसामान्यांचे उत्पन्न वाढत नसल्यामुळे दुकानांत वस्तू घेताना विचार करावा लागतो.

मनिषा रोडे, गृहिणी

धान्याचे दर २०२२ २०२३

बाजरी २४ ते ३५ २८ ते ४३

गहू २६ ते ३५ ३० ते ४०

ज्वारी २८ ते ४५ ३५ ते ७५

तांदूळ २९ ते ४६ ४० ते ५०