Maharashtra Politics : वंचित बहुजन (Vanchit Bahujan Aghadi) आघाडी आणि उद्धव बाळासाहेब ठाकरे गटाची युती झाली आहे, त्यामुळं आगामी काळात राज्याच्या राजकारणात मोठे बदल पहायला मिळणार आहेत.
वंचित बहुजन आघाडीचे नेते प्रकाश आंबेडकर (Prakash Ambedkar) आणि उद्धव ठाकरेंनी (Uddhav Thackeray) युती केल्यामुळं आगामी निवडणुकीतही याचा परिणाम दिसणार आहे, त्यामुळं प्रकाश आंबेडकर यांचा महाविकास आघाडीत समावेश होणार का? हे पाहणं महत्वाचं ठरणार आहे.
आता प्रकाश आंबेडकरांनी केलेल्या युतीबाबत राष्ट्रवादीचे प्रमुख नेते अजित पवार (Ajit Pawar) यांनी मोठं वक्तव्य केलंय. प्रकाश आंबेडकरांनी शिवसेनेबत आघाडी केली आहे. महाविकास आघाडी (Mahavikas Aghadi) टिकावी आणि त्यात बेरीज होण्याकरता जे असतील त्यांनी यावं. यासाठी अनेकांनी प्रयत्न करावे, असं आवाहन अजितदादांनी केलंय.
अजित पवार म्हणाले, 'वंचित बहुजन आघाडीला मानणारा मोठा वर्ग आहे. त्यामुळं आम्ही एकत्र लढलो तर महाराष्ट्रात वेगळं चित्र निर्माण होईल. महाविकास आघाडीत 'वंचित' यावी ही माझी वैयत्तिक इच्छा आहे. मात्र, वरिष्ठ आणि पक्ष काय तो निर्णय घेईल.'
महाविकास आघाडीत एकत्रित बोलत असताना कुणाचा अपमान होणार नाही याची जबाबदारी सर्वांनी घ्यायला हवी, असंही ते म्हणाले. 'वंचित'ला मविआमध्ये घेण्याबद्दल अजित पवारांनी पहिल्यांदाच सकारात्मक प्रतिक्रिया दिली आहे.
पुण्यातील एका वृत्तपत्रच्या मुलाखतीत अजित पवारांनी प्रकाश आंबेडकरांच्या 'वंचित'बाबत हे वक्तव्य केलंय. त्यामुळं याबाबत राष्ट्रवादीचे अध्यक्ष शरद पवार आणि वंचितचे नेते प्रकाश आंबेडकर काय भूमिका घेतात हे पाहणं महत्वाचं ठरणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
