Jayant Patil: "तुमच्या कार्यशैलीवर बोलायला लागलो तर अवघड होईल"; जयंत पाटलांचा अजित पवार गटाला इशारा

Jayant Patil: शरद पवार गटाच्या महिला कार्यकर्त्यांची आज बैठक पार पडली. यावेळी सत्ता आपलीच येणार आहे चिंता करु नका, असे राष्ट्रवादी काँग्रेसचे प्रदेशाध्यक्ष जयंत पाटील म्हणाले. परतीचे दोर आता कापण्यात आले आहेत. आपल्याला लढायचे आहे. मतदारांच्या मनात शरद पवार आहेत, असे पाटील म्हणाले.

निवडणूक आयोगात शरद पवार यांच्या कार्यशैलीबद्दल भाष्य केलं जात. २५ वर्ष सत्ता उपभोगली, शरद पवारांच्या कार्यशैलीमुळे तु्म्हाला पदं मिळाली, तुम्ही मंत्री झालात. मात्र त्यांच्या कार्यशैलीवर २५ वर्षानंतर तुम्ही प्रश्न उपस्थित करता. मग २५ वर्ष तुम्हाला शरद पवार यांच्या कार्यशैलीमुळे संधी मिळाली त्याच काय?, असा प्रश्न जयंत पाटील यांनी उपस्थित केला.

शरद पवार साहेब हुकूमशाह आहेत. ते त्यांच्या मनाने पक्ष चालवतात, अशी टीका होत आहे. मात्र आम्हाला असा अनुभव आला नाही. शरद पवार सर्वांना विश्वासात घेऊन निर्णय घेतात. तुमच्या कार्यशैलीवर जेव्हा आम्ही प्रश्न उपस्थित करु तेव्हा अवघड होईल, असा इशारा जयंत पाटील यांनी अजित पवार गटाला दिला.

जयंत पाटील म्हणाले, शरद पवार लोकशाही मानत नाहीत, असं विधान केल्या जात आहेत. या देशातील लोकशाही टीकावी पडेल ती कींमत देऊन पण मी लोकशाही टीकवण्याच्या बाजून ऊभा राहील, हे शरद पवार यांच्या कृतीतून स्पष्ट झाले.