जालना - मागील काही दिवसांत राज्यतील अपघातांचे प्रमाण मोठ्या प्रमाणात वाढलं आहे. समृद्धी महामार्गावरील अपघताची घटना ताजी असतानाच आता जालना जिल्ह्यात रातराणी बसला भीषण अपघात झाल्याची घटना समोर आली आहे.
जालना जिल्ह्यातील मंठा तालुक्यात ही घटना घडली. केंधळी फाटा येथे पुसदहून मुंबईकडे जाणारी रातराणी बस पुलावरून ३० फूट खाली कोसळली. या अपघातात २२ प्रवासी किरकोळ जखमी झाले आहेत. तर तीन प्रवाशांना अधिक उपचारासाठी जालन्यातील रुग्णालयात नेण्यात आले आहे. बसमध्ये एकूण ४२ प्रवासी होते.
केंधळी फाट्यावर पुलाचे काम सुरू असलेल्या ठिकाणी टेम्पोला ओव्हरटेक करताना बस चालकाचे बसवरील नियंत्रण सुटले. त्यानंतर बस पुलावरून ३० फूट खाली कोसळली. त्यानंतर स्थानिक नागरिकांनी पोलिसांच्या मदतीने बसमधील प्रवाशांना बाहेर काढून मंठा येथील रुग्णालयात नेले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
