जालनाः सरकारचे प्रतिनिधी म्हणून अर्जुन खोतकर सध्या जालन्यामध्ये आहेत. त्यांनी मनोज जरांगे पाटलांचं मुख्यमंत्री एकनाथ शिंदे यांच्याशी बोलणं करुन दिलं आहे. जरांगे पाटील यांच्याकडे असलेले पुरावे घेऊन मुंबईला जातो, असं म्हणत त्यांनी मुंबईकडे कूच केली आहे.
यावेळी बोलताना अर्जुन खोतकर म्हणाले की, उद्यापर्यंत नक्कीच चांगली बातमी येईल आणि हे उपोषण सुटेल. मनोज जरांगे पाटील यांच्याकडे मराठाच कुणबी असल्याचे पुरावे आहेत. ते घेऊन मी मुंबईला जात आहे. तो मसुदा सरकारसमोर मांडणार असून आज निर्णय होऊ शकतो. उद्यापर्यंत मी जीआर घेऊन येतो आणि हे उपोषण आपण सोडू, असं खोतकर म्हणाले.
दरम्यान, मुख्यमंत्री एकनाथ शिंदे यांनी मनोज जरांगे पाटील यांच्यासोबत फोनवरुन संवाद साधला. थोड्या वेळात मुख्यमंत्री एकनाथ शिंदे पत्रकार परिषद घेणार आहेत. त्यानंतर मंत्रिमंडळ उपसमितीच्या बैठकीत या चर्चा झाली हे स्पष्ट होईल.
माध्यमांशी बोलताना अर्जुन खोतकर म्हणाले की, उपसमितीची बैठक सुरु असून मुख्यमंत्री दीड-दोन तासांमध्ये निर्णय जाहीर करणार आहेत. मुख्यमंत्री एकनाथ शिंदे हे मराठा आरक्षणाच्या बाबतीत गंभीर आहेत, असं खोतकर म्हणाले. त्यामुळे आज काही वेळात काहीतरी निर्णय होऊ शकतो, असं स्पष्ट होतंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
