राष्ट्रवादी काँग्रेसच्या अजित पवार गटाचे नेते मंत्री छगन भुजबळ यांनी सोमवारी मराठावाडा दौऱ्यावर असताना मनोज जरांगे पाटील, शिंदे समिती आणि सरकारवर गंभीर आरोप केले. त्या आरोपांना मंत्री शंभूराज देसाई यांनी आज उत्तर दिलं आहे. यामुळे मराठा समाजाच्या आरक्षणाच्या मुद्द्यावर सरकारमधील मंत्र्यांमध्येच दुफळी दिसून येत आहे. या सर्व प्रकरणावर शरद पवार गटाचे नेते जयंत पाटील यांनी प्रतिक्रिया दिला आहे.
जयंत पाटील म्हणाले की, हा दोन्ही बाजू सांभाळण्याचा प्रकार दिसतोय. काही लोकांनी या बाजूचं बोलायचं आणि काहींनी दूसऱ्या बाजूचं बोलायचं असं काही आहे का हे तपासलं पाहिजे. या बाबतीत सरकारने एकमत केलं पाहिजे.
मुख्यमंत्री एक बोलतायत, उपमुख्यमंत्री दुसरं बोलत आहेत आणि आता मंत्री वेगळं बोलत आहेत. त्यामुळे त्यांनी त्यांचं एकमत करावं. आमची यावर भाष्य करण्यची इच्छा नाही असेही शरद पवार गटाचे नेते जयंत पाटील म्हणाले आहेत.
दोन्ही समाजात वाद होऊ नये अशी आमची भूमिका आहे. कटूता निर्माण होऊ नये अशी शरद पवारांची देखील भूमिका राहिली नाही. यांना आरक्षण मिळत असेल तर दूसरीकडे कटूता निर्माण होऊ नये याची काळजी घेण्याची जबाबदारी सरकारची आहे असेही जयंत पाटील म्हणाले.
अजित पवार गटाला ग्रामपंचायत निवडणूकीत मिळालेल्या भरघोष यशाबद्दल विचारले असता जयंत पाटील म्हणाले की, स्थानिक विधानसभेचे आमदार म्हणून ते काम करतात, त्यामुळे त्यांनी ग्रामपंचायत निवडणूकीत विजय मिळवला. पण राज्यात पक्षाच्या चिन्हावर निवडणूका होत नाहीत. त्यामुळे गावातील लोक एकत्र येऊन निवडणूक लढवतात. आगामी लोकसभा निवडणूकीत आणि ग्रामपंचयत निवडणूकीत खूप फरक असतो. लोक वेगळ्या पद्धतीने विचार करतात. एक वर्षानंतर विधानसभा होणार आहेत त्याला खूप वेळ शिल्लक आहे असे जयंत पाटील म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
