मुंबईः अन्न आणि औषध प्रशासनाने जॉन्सन अँड जॉन्सन कंपनीच्या 'बेबी पावडर' या उत्पादनाला हानिकारक ठरवत कारवाई केली होती. या कारवाईविरोधात आता कंपनीने उच्च न्यायालयात धाव घेतली आहे. मात्र न्यायालयाने कंपनीला दिलासा दिलेला नाही. हे नेमकं प्रकरण काय ते पाहू...
Johnson & Johnson Baby Powder
जॉन्सन अँड जॉन्सन या कंपनीचे 'बेबी पावडर' हे उत्पादन अतिशय प्रसिद्ध आहे. मात्र मागील काही दिवसांपासून या उत्पादनाविषयी वेगवेळ्या बाबी समोर येत आहेत. अन्न व औषध प्रशासनाने १५ सप्टेंबर रोजी बेबी पावडरवर कारवाई केली. या पावडरमध्ये लहान मुलांना प्रतिबंधित करणाऱ्या घटकांचं प्रमाण जास्त असल्याने लहान मुलांवर हानिकारक परिणाम होऊ शकतात, असं एफडीएचं म्हणणं आहे. त्यामुळे या पावडरवर बंदीची कारवाई करण्यात आली.
मात्र या निर्णयाविरोधात जॉन्सन अँड जॉन्सन कंपनीने मुंबई उच्च न्यायालयात धाव घेतली आहे. हा निर्णय मनमानी आहे, असं कंपनीचं म्हणणं आहे. आज हायकोर्टाने कंपनीचं म्हणणं ऐकून घेतल्यानंतर एफडीएने ज्या अहवालाच्या आधारे कारवाई केली तो कंपनीला उपलब्ध करुन देण्याचे निर्देश दिलेले आहेत. १९ नोव्हेंबरपर्यंत सुनावणीला स्थगिती दिलीय. एफडीएच्या बंदीच्या निर्णयाला स्थगिती देण्यास कोर्टाने नकार दिलेला आहे.
दरम्यान, या प्रकरणी केंद्र सरकारने भूमिका घ्यावी, असे निर्देश कोर्टाने दिले आहे. त्यामुळे या प्रकरणात केंद्र सरकार काय भूमिका घेणार आणि कोणत्या अहवालाच्या आधारे एफडीएने कारवाई केली, तेही लवकरच स्पष्ट होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.