Kapil Patil : ‘मुंबई शिक्षक’मतदारसंघामध्ये पैसैवाटप;कपिल पाटील यांनी केला आरोप

मुंबई : मुंबई शिक्षक मतदारसंघात प्रथमच धनदांडग्यांकडून प्रचंड प्रमाणात पैशाचे वाटप होत असल्याचा आरोप समाजवादी गणराज्य पक्षाचे अध्यक्ष कपिल पाटील यांनी आज केला. प्रत्येकी पाच-दहा हजार रुपये देऊन शिक्षक विकत घेण्याची ही पद्धत अत्यंत निषेधार्ह असून शिक्षकी पैशाचा अवमान करणारी आहे.

याबाबत राज्याचे मुख्य निवडणूक अधिकारी चोकलिंगम यांची भेट घेऊन त्यांना पुराव्यानिशी तक्रार देणार असल्याचेही पाटील यांनी सांगितले. मुंबई शिक्षक मतदारसंघातून सलग तीन कार्यकाळ पूर्ण केल्यानंतर स्वेच्छानिवृत्ती घेऊन पाटील यांनी आपले सहकारी, शिक्षक भारतीचे कार्याध्यक्ष सुभाष सावित्री किसन मोरे यांना उमेदवारी दिली आहे.

आमदार कपिल पाटील यावेळी मुंबई शिक्षक मतदार संघाच्या रिंगणात नसल्यामुळे मोठ्या राजकीय शक्तींनी ताकद लावली असली तरी पेन्शनच्या लढाईत सरकारी कर्मचाऱ्यांसोबत अग्रभागी असलेले सुभाष मोरे या निवडणुकीत उभे राहिले आहेत. ते विजयी होतील. या निवडणुकीत मुंबई बॅंकेला संधी मिळणार नाही, अशी आशाही पाटील यांनी व्यक्त केली आहे.