मुंबई : भारताला पहिलं ऑलिम्पिक पदक मिळवून देणारे खाशाबा जाधव यांचा पदक स्विकारतानाचा व्हिडिओ ऑलिम्पक असोसिएशननं तब्बल ७१ वर्षांनंतर नुकताच प्रकाशित केला. याद्वारे खाशाबांचा एकप्रकारे सन्मानच करण्यात आला आहे.
पण भारताचं नाव जगात उज्वल करणारा हा खेळाडू अद्यापही नागरी पुरस्कारापासून वंचित आहे. त्यांना मरणोत्तर पद्मविभूषणनं गौरविण्यात यावं अशी मागणी स्वाभिमानी शेतकरी संघटनेचे नेते राजू शेट्टी यांनी केली आहे. (Khashaba Jadhav PadmaBhushan Purskar Raju Shetti tweet Modi Govt)
शेट्टी यांनी ट्विट करत आपली मागणी केंद्र सरकारकडं मांडली आहे. त्यांनी म्हटलं, "लोकवर्गणीतून खाशाबा जाधव यांनी मिळविलेल्या पहिल्या कांस्य पदकाच्या यशाचा व्हीडीओ ७१ वर्षांनी जागतिक ऑलिंपिकमध्ये दाखवून त्यांचा मोठा सन्मान केला आहे. (Marathi Tajya Batmya)
केंद्र सरकारने नियम व कायदे बाजूला ठेवून धीरूभाई अंबानी यांच्यासारख्या उद्योगपतीना मरणोत्तर पद्मविभूषण पुरस्कार दिला. मात्र, स्वतंत्र भारतातील पहिले खेळाडू असलेल्या खाशाबा जाधव या शेतकऱ्याच्या मुलाला मरणोत्तर पद्मविभूषण पुरस्कार देताना हेच केंद्र सरकार नियम व कायदे दाखवून टाळाटाळ करत आहे. राष्ट्रपती भवन, पंतप्रधान कार्यालय आणि केंद्रीय क्रीडा मंत्री अनुराग ठाकूर यांना टॅग करत त्यांनी ही मागणी केली आहे. (Latest Marathi News)
हेलसिंकी ऑलिम्पिकमध्ये ५२ किलो वजनी गटात फ्री स्टाईल क्रीडा प्रकारात खाशाबा जाधव यांनी कांस्य पदक जिंकलं होतं. देशाला स्वतंत्र भारतात पहिलं ऑलिम्पक पदक मिळवून दिलं होतं. त्यांच्या या अतुलनिय कामगिरीसाठी त्यांना भारतरत्न पुरस्कारानं सन्मानित करण्यात यावं अशी मागणी अनेक वर्षांपासून होत आहे. मात्र, भारतरत्नच काय तर इतर पद्म पुरस्कारांपासूनही ते अद्याप वंचित आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
