साताऱ्यामधील कोरेगाव परिसरातील जरंडेश्वर सहकारी साखर कारखान्याशी संबंधित जमीन, इमारत, प्लांट, मशीन अशा 65 कोटी 75 लाख रुपयांच्या मालमत्तेवर सक्तवसुली संचलनालयाने जप्ती केली होती. महाराष्ट्र राज्य सहकारी बँक (MMCB) गैरव्यवहार प्रकरणात ही कारवाई केल्याचे वरिष्ठ सूत्रांनी सांगितलं होतं. उपमुख्यमंत्री अजित पवारांचे (Deputy Chief Minister Ajit Pawar) मामा राजेंद्र कुमार घाडगे यांच्या साताऱ्यातील जरंडेश्वर कारखान्यावर ही जप्तीची कारवाई करण्यात आली होती. याबद्दल किरीट सोमय्यांनी आता एक नवी माहिती समोर आणली आहे.
"जरंडेश्वर साखर कारखान्याची ईडीनं केलेल्या जप्तीची पुष्टी करणाऱ्या मुंबई न्यायालयाचं मी स्वागत करतो. अजित पवारांनी १२०० कोटींचा घोटाळा केला आहे. मी ईडी आणि भारत सरकारला विनंती करतो की हा साखर कारखाना जरंडेश्वर सहकारी संस्थेच्या 27000 मूळ सदस्यांना, शेतकर्‍यांना सोपवावा." असं किरीट सोमय्यांनी म्हटलं आहे.
जरंडेश्वर साखर कारखाना पूर्वी सहकारी कारखाना होता. मात्र, महाराष्ट्र सहकारी बँकेचं कर्ज फेडू न शकल्याने त्या कारखान्याचा लिलाव करण्यात आला. नंतर तो कारखाना खाजगीरित्या विकत घेतला गेला आला. अजित पवारांचे निकटवर्तीय हा कारखाना चालवत होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.