'मुंबई महापालिकेच्या भ्रष्ट अधिकाऱ्यांना वाचवण्याचा आयुक्तांचा प्रयत्न'

मुंबई महापालिका आयुक्त इक्बालसिंह चहल (Iqbal Singh Chahal) यांना आयकर विभागाने (Income tax) नोटीस बजावली आहे. माजी स्थायी सभापती यशवंत जाधव यांच्यांशी संबंधित मालमत्तांवर आयकर विभागाने छापा टाकला होता.या प्रकरणी चहल यांना आयकर विभागाने बोलवल होत.पण ते या चौकशीला हजर राहिले नव्हते. त्यामुळे आयकर विभागाने नोटीस बजावली. बीएमसीच्या आयुक्तांना चौकशीसाठी बोलवल्याने महापालिका वर्तुळात खळबळ उडाली आहे. यावर आता भाजप नेते किरीट सोमय्या (Kirit Somaiya) यांनी टीका केली आहे.

किरीट सोमय्या निशाणा साधताना म्हणाले, महापालिका आयुक्त काॅन्ट्रक्टची माहिती का देत नाहीत. महापालिकेच्या भ्रष्ट अधिकाऱ्यांना वाचवण्याचा प्रयत्न करत आहेत का असा सवाल सोमय्यांनी केला आहे.

महापालिका आयुक्तांना माहिती द्यावीच लागणार आहे. इनकम टॅक्स, ईडी आणि त्यानंतर मंत्रालय मागं लागणार आहे. ज्यापध्दतीने त्यांनी मुंबई महापालिकेची लुट केलीय तशीच त्यांना भरपाई द्यावी लागेल असेही सोमय्या म्हणाले.

कोरोना काळात अॅफिडेव्हीट अॅक्टनुसार विनानिविदा काम करता येते. त्यामुळे कोणत्याही नियमांचा भंग केला नाही असे स्पष्टीकरण चहल यांनी दिले आहे. आयटी कायदा १९६१ च्या अंतर्गत आयटीनं स्थायी समिती सदस्य यशवंत जाधव यांच्या चौकशीसंदर्भात आयुक्त चहल यांना नोटीस पाठवली. इकबाल चहल यांना पाठवलेल्या नोटीसमध्ये २५ फेब्रुवारीला मुंबई महापालिकेतील पदाअधिकारी आणि कंत्राटदारांवर टाकलेल्या छाप्यांसदर्भात कागदपत्रं मागवली आहेत.