'2021 मधील घोटाळेबाज शिवसेना नेत्यांवर ED ची कारवाई'

मागील काही दिवसांपासून सत्ताधारी पक्षातील अनेक नेत्यांवर विरोधकांकडून टीका सुरु आहे. आर्यन खान प्रकरण आणि महाविकास आघाडी सरकारमधील नेत्यांच्या भ्रष्टाचारावरून आरोप प्रत्यारोप सुरु आहेत. भाजपाचे किरीट सोमय्या यांनी सत्ताधारी नेत्यांवर आरोप केले आहेत. गेले काही दिवस यामुळे राजकीय वर्तुळात अनेक चर्चांना उधाणही आले आहे. आता पुन्हा एकदा त्यांनी एक ट्विट केले आहे. यात त्यांनी घोटाळेबाज शिवसेनेतील ED ची 2021 वर्षातील कारवाई झालेल्या नेत्यांची नावे सांगितली आहेत.

या ट्विटमध्ये शिवसेनेतील ६ नेत्यांची नावे सांगितली आहेत. यात घोटाळेबाज शिवसेना नेत्यांवर ED ची 2021 वर्षात कारवाई झालेले अर्जुन खोतकर, भावना गवळी, आनंद अडसूळ, प्रताप सरनाईक, संजय राऊत, अनिल परब यांच्यावर कारवाई झाल्याचं त्यांनी सांगितले आहे. दरम्यान, यांच्यावर कारवाई का झाली याची कारणे त्यांनी सांगितली आहेत. अर्जुन खोतकर जालना सहकारी साखर कारखाना घोटाळा, भावना गवळी १०० कोटीचा घोटाळा, आनंद अडसूळ सिटी बँक घोटाळा, प्रताप सरनाईक ७८ एकर जमीन जप्त, संजय राऊत HDIL ₹५५ लाख परत दिले, अनिल परब चोकशी सुरू अशी माहिती त्यांनी दिली आहे.

दरम्यान, मागील काही दिवसांपासून किरीट सोमय्या हे महाविकास आघाडी सरकारमधील नेत्यांचे घोटाळे बाहेर काढत आहेत. पुराव्यानिशा त्यांनी अनेक कोटीचा घोटाळ्यांवर सवाल उपस्थित केले आहेत. मात्र हे आरोप धुडकावत संबंधित नेत्यांनी यावर वेळोवेळी स्पष्टीकरणही दिले आहे.